بەيجىڭدە ش ى ۇ سامميتىنە دايىندىق باستالدى
استانا. قازاقپارات - 2024 -جىلعى 22-25-ساۋىردە بەيجىڭدە شاڭحاي ىنتىماقتاستىق ۇيىمى (ش ى ۇ) حاتشىلىعىندا قازاقستاندىق تاراپتىڭ توراعالىعىمەن ۇيىمعا مۇشە مەملەكەتتەردىڭ ۇلتتىق ۇيلەستىرۋشىلەرىنىڭ كەڭەسى ءوتتى. بۇل تۋرالى ش ى ۇ تەلەگرام-كانالىندا حابارلاندى.
«استانا قالاسىندا وتەتىن ش ى ۇ-عا مۇشە مەملەكەتتەردىڭ سىرتقى ىستەر مينيسترلەرى كەڭەسى مەن مەملەكەت باسشىلارى كەڭەسىنىڭ الداعى وتىرىستارىنا دايىندىق جانە مازمۇنى ماسەلەلەرى، سونداي-اق ساياسي- ديپلوماتيالىق، ساۋدا- ەكونوميكالىق جانە مادەني-گۋمانيتارلىق سالالارداعى كوپجاقتى ىنتىماقتاستىققا قاتىستى قۇجاتتاردىڭ جوبالارى ەلەۋلى تۇردە قاراستىرىلدى»، - دەلىنگەن حابارلامادا.
ش ى ۇ اياسىندا پراكتيكالىق ءوزارا ءىس-قيمىل دەڭگەيىن ارتتىرۋعا ەرەكشە نازار اۋدارىلدى. وسى تۇرعىدا ۇيىمدى جانە ونىڭ تۇراقتى ورگاندارىن جاڭعىرتۋ، سونداي-اق ش ى ۇ-نىڭ ديالوگ بويىنشا سەرىكتەستەرىمەن جانە حالىقارالىق بىرلەستىكتەرمەن جۇمىسىن كۇشەيتۋ تاقىرىبى بويىنشا پىكىر الماسۋ ءوتتى.
4-شىلدەدە استانادا شانحاي ىنتىماقتاستىق ۇيىمىنىڭ سامميتى وتەدى.
ەسكە سالا كەتسەك، ق ر پرەزيدەنتى ش ى ۇ باس حاتشىسى جاڭ ميڭمەن كەزدەسۋ وتكىزدى. اڭگىمەلەسۋشىلەر ش ى ۇ جۇمىسىن ودان ءارى جەتىلدىرۋ ماسەلەلەرى بويىنشا پىكىر الماستى.
2024 -جىلدى قازاقستاننىڭ سىرتقى ساياساتىنىڭ جىلى دەپ بەلگىلەۋگە بولادى - ءبىزدىڭ ەلىمىز بىردەن التى حالىقارالىق ۇيىمدى باسقارىپ وتىر.
اۆتور
زارينا تۋعانبايەۆا
