بەيجىڭدە «ش ى ۇ ۇلگىسى» جاستار كونفەرەنسياسى ءوتتى
بەيجىڭدەگى شانحاي ىنتىماقتاستىق ۇيىمى حاتشىلىعىندا ۇيىمعا مۇشە-ەلدەردىڭ جاس بۋىن وكىلدەرىنىڭ قاتىسۋىمەن «ش ى ۇ ۇلگىسى» جاستار كونفەرەنسياسى ءوتتى، دەپ حابارلايدى Kazinform.
ش ى ۇ باس حاتشىسىنىڭ ورىنباسارى نۇرلان ەرمەكبايەۆ كونفەرەنسيانى اشىپ ءسوز سويلەپ، شانحاي ىنتىماقتاستىق ۇيىمى جاستار ماسەلەسىنە باسا نازار اۋدارىپ، ءوزىنىڭ نەگىزگى قىزمەت باعىتتارىنىڭ ءبىرى سانايتىنىن اتاپ ءوتتى. وسى سالاداعى نەگىزگى قۇجاتتار - 2018-جىلى تسينداودا وتكەن سامميتتە قابىلدانعان «ش ى ۇ مۇشە- مەملەكەت باسشىلارىنىڭ جاستارعا ورتاق ۇندەۋى» جانە 2021-جىلى دۋشانبەدە قول قويىلعان «جاستارمەن جۇمىس سالاسىنداعى سەرىكتەستىك تۋرالى كەلىسىم».
«كونفەرەنسيا تاقىرىبى: جاسىل ەكونوميكاعا جەتەر جول: ش ى ۇ ايماعىنداعى تۇراقتى دامۋ ستراتەگياسى» . بۇل ماسەلە ۇيىم اياسىندا وتە وزەكتى، كەلەر 2024-جىل «ش ى ۇ ەكولوگياسى جىلى» بولىپ جاريالاندى.
قورشاعان ورتانى قورعاۋ - ەلدەرىمىزدىڭ الەۋمەتتىك- ەكونوميكالىق دامۋىنداعى كوپتەگەن ماسەلەلەرمەن بايلانىستى. بۇل - ەشبىر ەلدىڭ جالعىز شاماسى جەتپەيتىن ماڭىزدى ماسەلەنىڭ ءبىرى. بۇگىنگى كونفەرەنتسيادا ەكولوگيا ماسەلەلەرىنە جاڭا قىرىنان قاراپ، تاجىريبە جۇزىندە پايدالى شەشىم قابىلدانادى دەپ ويلايمىز»، - دەپ اتاپ ءوتتى ن. ەرمەكبايەۆ.
ءىس-شارانى ق ح ر- داعى ق ر ەلشىلىگى ش ى ۇ حاتشىلىعىنىڭ قولداۋىمەن 2023-2024-جىلعى ۇيىمعا قازاقستان ءتوراعالىق ەتەتىن جىل جوسپارىنا سايكەس وتكىزىلدى.
2023-جىلعى شىلدەدە قازاقستان رەسپۋبليكاسى ش ى ۇ ءتوراعالىق ەستافەتاسىن قابىلداعانىن ەسكە سالا كەتەيىك.
