بەيجىڭ ا ق ش پەن ونىڭ ساۋدا سەرىكتەستەرى اراسىندا ق ح ر مۇددەسىنە نۇقسان كەلتىرەتىن كەلىسىمدەرگە قارسى

استانا. KAZINFORM - بۇل تۋرالى قىتايدىڭ ساۋدا مينيسترلىگى ۆاشينگتوننىڭ ا ق ش- تىڭ باج سالىعىن ازايتۋىنا ايىرباس رەتىندە باسقا ەلدەردىڭ بەيجىڭمەن ساۋدا قارىم-قاتىناسىن شەكتەۋگە كوندىرۋگە دايىندالىپ جاتقانى تۋرالى جاعدايعا تۇسىنىك بەرە وتىرىپ مالىمدەدى، دەپ حابارلايدى Kazinform مەنشىكتى ءتىلشىسى.

- ەگەر مۇنداي جاعداي تۋىنداسا، قىتاي ونى قابىلدامايدى جانە ءتيىستى قارسى شارالاردى تاباندى تۇردە قابىلدايدى، - دەپ كەلتىردى Xinhua قىتايدىڭ ساۋدا مينيسترلىگىنىڭ مالىمدەمەسىن.

مالىمدەمەدە «باسقالاردىڭ مۇددەلەرىن تاريفتەردەن بوساتۋعا ايىرباستاۋ ارەكەتتەرى ساتسىزدىككە ۇشىرايتىنى جانە اقىر سوڭىندا بارلىق قاتىسۋشى تاراپتارعا زيان كەلتىرەتىنى» اتاپ ءوتىلدى.

ق ح ر ساۋدا مينيسترلىگى ءوز مالىمدەمەسىندە قىتاي تاراپىنىڭ قۇراما شتاتتارىمەن ساۋدا داۋلارىن تەڭ كونسۋلتاتسيالار ارقىلى شەشۋگە تىرىساتىن بارلىق تاراپتاردى قۇرمەتتەيتىنىن اتاپ ءوتتى.

بۇل رەتتە ق ح ر ساۋدا مينيسترلىگى بارلىق تاراپتاردى ادالدىق پەن ادىلەتتىلىك جاعىندا بولۋعا، حالىقارالىق ەكونوميكالىق جانە ساۋدا ەرەجەلەرى مەن كوپجاقتى ساۋدا جۇيەسىن ساقتاۋعا شاقىردى.

- حالىقارالىق ساۋدا دجۋنگلي زاڭدارىنا ورالعان كەزدە كۇشتىلەر السىزدەرگە جەم بولادى، بارلىق ەلدەر زارداپ شەگەدى، - دەلىنگەن مالىمدەمەدە.

قىتاي بارلىق تاراپتارمەن ىنتىماقتاستىق پەن ۇيلەستىرۋدى نىعايتۋعا، ءتيىستى زاڭدى قۇقىقتار مەن مۇددەلەردى قورعاۋعا، حالىقارالىق ادىلدىك پەن ادىلەتتىلىكتى قولداۋعا دايىن، دەلىنگەن ۆەدومستۆو مالىمدەمەسىندە.

وسىعان دەيىن قىتايدىڭ ا ق ش- تان سۇيىتىلعان تابيعي گاز ساتىپ الۋدى توقتاتقانى تۋرالى جازدىق.