بيشىمبايەۆتى ۇستاعان پوليتسەيگە قىزمەتتىك تەرگەۋ جۇرگىزىلەدى

استانا. KAZINFORM - سالتانات نۇكەنوۆا قايتىس بولعان كۇنى قۋاندىق بيشىمبايەۆتى ۇستاعان ەلوردالىق پوليتسەيگە قاتىستى قىزمەتتىك تەرگەۋ باستالدى.

پوليتسيا قىزمەتكەرى بيشىمبايەۆقا قايتىس بولعان سالتانات نۇكەنوۆاعا قاتىستى «وسى جاعدايعا جەتكىزگەن ءوزى مە؟» دەگەن. بۇل رەپليكا پوليتسەيدىڭ جەتونىنا ءتۇسىپ قالعان، وسىلايشا 8-ساۋىردە سوت تالقىلاۋى بارىسىندا كورسەتىلدى.

«وسى دەرەك بويىنشا استانا قالاسىنىڭ پوليتسيا دەپارتامەنتى قىزمەتتىك تەرگەۋ تاعايىندادى. ءمان-جايى انىقتالادى. ناتيجەلەرى قوسىمشا حابارلانادى»، - دەپ جازىلعان ءى ءى م- ءنىڭ Tengrinews.kz-كە جاۋابىندا.

ەسكە سالايىق، بۇعان دەيىن ىشكى ىستەر ءمينيسترىنىڭ ورىنباسارى يگور لەپەحا «پوليتسيا ەكس-مينيستر قۋاندىق بيشىبايەۆتى ۇستاعاندا زاڭدى بۇزعان جوق پا؟» دەگەن سۇراققا جاۋاپ بەردى.