بيشىمبايەۆ پەن بايجانوۆ سوتتا سوڭعى ءسوزىن قاشان ايتاتىنى بەلگىلى بولدى

استانا. KAZINFORM - بۇگىن قۋاندىق بيشىمبايەۆ پەن باقىتجان بايجانوۆقا قاتىستى قىلمىستىق ءىس بويىنشا كەزەكتى سوت وتىرىسى ءوتتى، - دەپ حابارلايدى Massaget.kz ءتىلشىسى.

بۇگىن سوت جارىس سوزىندە سوتتالۋشىلار ءسوز سويلەدى، سودان كەيىن تاراپتاردىڭ ەسكەرتۋلەرى تىڭدالدى.

ودان ءارى سوت القابيلەردىڭ قاتىسۋىنسىز جارىس ءسوزدىڭ ەكىنشى بولىگىنە كوشتى (ق پ ك- ءنىڭ 651-بابىنا سايكەس القابيلەر قاتىساتىن سوتتا تاراپتاردىڭ جارىس ءسوزى ەكى بولىكتەن تۇرادى).

جارىس ءسوزدىڭ ەكىنشى بولىگىندە تاراپتار سوتتالۋشىلاردىڭ ارەكەتتەرىن سارالاۋ، جازا تاعايىنداۋ، ازاماتتىق تالاپ قويۋ ماسەلەلەرى بويىنشا ۇستانىمدارىن باياندادى.

سوتتالۋشىلاردىڭ سوڭعى ءسوزى 6-مامىردا ساعات 10:00 دە وتەدى.