20:55, 03 - ءساۋىر 2024 | GMT +5
بيشىمبايەۆ ءىسى: سوتتا مەيرامحاناداعى بەينەجازبالار كورسەتىلدى
استانا. KAZINFORM - سوتتا ەكس-مينيستر بيشىمبايەۆتىڭ سالتانات نۇكەنوۆانى مەيرامحانانىڭ فويەسىندە سوققىعا جىققان ۆيدەوسى كورسەتىلدى.
كادرلاردان ولاردىڭ ليفتتەن قالاي شىققانى، بيشىمبايەۆتىڭ نۇكەنوۆانى شاشىنان ۇستاپ سۇيرەگەنى، قولىمەن ۇرىپ، اياقپەن تەپكەنىن كورۋگە بولادى. كەيىن ايىپتالۋشى جەرگە سۇلاپ تۇسكەن نۇكەنوۆانى تۇرعىزىپ، شاشىنان ۇستاپ VIP كابيناعا قايتا كىرگىزگەن.
ۇرىپ-سوعۋ شامامەن ەكى مينۋتقا سوزىلعان. كادردان نۇكەنوۆانىڭ قارسىلىق كورسەتۋگە شاماسى جوق ەكەنىن اڭعارۋعا بولادى.
استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ءوتىپ جاتقان سوت پروتسەسى ەرتەڭ جالعاسادى.
