بىشكەكتە ميتينگ وتكىزۋگە قويىلعان شەكتەۋ مەرزىمى ۇزارتىلدى

митинг
Фото: Кабар

  بىشكەكتە ميتينگ وتكىزۋگە قويىلعان شەكتەۋ 31-ناۋرىزعا دەيىن ۇزارتىلدى، دەپ ءمالىم ەتتى پەرۆومايسكي اۋداندىق اكىمشىلىگىنىڭ باسپا ءسوز قىزمەتى.

Kazinform بۇل تۋرالى قىرعىزستاننىڭ كابار اگەنتتىگىنە سىلتەمە جاساپ حابارلايدى.

پەرۆومايسكي اۋداندىق سوتىنىڭ دەرەگىنشە، شەكتەۋ ەنگىزىلگەن ورىندار قاتارىندا الا- توو اۋدانى، ەركينديك بۋلۆارى-لينەينايا كوشەسىنەن چۋي داڭعىلىنا دەيىن، پرەزيدەنت اكىمشىلىگى مەن جوگوركۋ كەنەش عيماراتى الدى، سونداي-اق پانفيلوۆ اتىنداعى ساياباق پەن تاتتىبۋبۋ تۋرسۋنبايەۆا اتىنداعى ساياباق، جوعارعى سوت عيماراتى مەن قىرعىزستانداعى رەسەي ەلشىلىگى اۋلاسى، ۇ ق م ك جانە ءى ءى م عيماراتى الدى بار.

بۇل ورىنداردا مەملەكەتتىك ورگانداردىڭ رەسمي ءىس-شارالارىن وتكىزۋگە عانا رۇقسات ەتىلەدى.

ميتينگىلەردى ماكسيم گوركي اتىنداعى ساياباقتا -يسانوۆا جانە رىسكۋلوۆا كوشەلەرىنىڭ قيىلىسىندا ۇيىمداستىرۋعا بولادى.

ەسكەرتۋ جانە جاپپاي تارتىپسىزدىكتىڭ الدىن الۋ ماقساتىندا، سونداي-اق ق ر «بەيبىت جيىندار تۋرالى» زاڭىن نەگىزگە الا وتىرىپ جانە پەرۆومايسكي اۋداندىق ءىىب ارىزىنا سايكەس مۋنيتسيپالدىق اكىمشىلىك اۋداندىق سوتقا ميتينگ وتكىزۋ ورىندارىنا قاتىستى شەكتەۋدى ۋاقىتشا ۇزارتا تۇرۋ تۋرالى ءوتىنىش جولدادى.

پريەۆومايسكيي اۋداندىق سوتى اكىمدىك شەشىمىن زاڭدى دەپ تاپتى.

سوڭعى جاڭالىقتار