بىشكەك مەرىنىڭ ورىنباسارى ۇستالدى

بىشكەك. KAZINFORM - قىرعىزستاندا بىشكەكتىڭ ۆيتسە-مەرى ماقساتبەك سازىقۇلوۆ زاڭسىز سالىنعان كوممەرتسيالىق نىساندارعا قامقورلىق جاساعانى ءۇشىن ۇستالدى. بريفينگ بارىسىندا بىشكەك اكىمى ايبەك دجۋنۋشاييەۆ وقيعاعا قاتىستى پىكىر ءبىلدىردى.

ونىڭ ايتۋىنشا، بارلىق جۇمىس ونىڭ اكىم قىزمەتىن اتقارعان كەزدە جاسالعان.

«مۇنىڭ ءبارى مەن كەلگەنگە دەيىن بولدى. مەن ەشتەڭە ايتا المايمىن، سوت شەشىمىن كۇتۋىمىز كەرەك. ءبىراق ءاربىر مەملەكەتتىك جانە مۋنيتسيپالدىق قىزمەتكەر ادال جانە اشىق جۇمىس ىستەپ، ەشقانداي كەلەڭسىز ىستەرگە ارالاسپاۋى كەرەك ەكەنىن ايتقىم كەلەدى»، - دەدى ا. دجۋنۋشاليەۆ.

ەسكە سالا كەتسەك، جەدەل-ىزدەستىرۋ ءىس-شارالارىنىڭ ناتيجەسىندە ماقساتبەك سازىقۇلوۆتىڭ بۇعان دەيىن بىشكەك قالاسى اكىمشىلىگىنىڭ ءبىرىنىڭ باسشىسى بولا تۇرا، جەكە مۇددەسىن كوزدەپ، زاڭسىز بايۋ ماقساتىندا قوسىمشا تۇلعامەن ءسوز بايلاسىپ، كاسىپكەرلىك سۋبەكتىسىنە نەگىزسىز جانە زاڭسىز پرەفەرەنتسيالار بەرۋ ءۇشىن تۇراقتى سىبايلاس جەمقورلىق سحەماسىن ۇيىمداستىرعانى انىقتالدى. ول قىلمىستىق ءىس اياسىندا ۇستالىپ، قىرعىز رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنىڭ ۋاقىتشا ۇستاۋ اباقتىسىنا قامالدى.