15:42, 17 - قاڭتار 2024 | GMT +6
بىشكەك ماڭىندا مي-8 اسكەري تىكۇشاعى قۇلادى
استانا. KAZINFORM - بىشكەك ماڭىندا مي-8 اسكەري تىكۇشاعى قۇلادى، دەپ حابارلايدى قىرعىزستاننىڭ Kabar اگەنتتىگى.
«جەرگىلىكتى ۋاقىت بويىنشا ساعات 10:55 تە «فرۋنزە-1» اۋە بازاسىندا مي-8 اسكەري تىكۇشاعى قۇلادى. بورت 203. ەكيپاجدىڭ جاعدايى ءالى بەلگىسىز»، - دەلىنگەن حابارلامادا.
قىرعىزستان قورعانىس مينيسترلىگىنىڭ اگەنتتىگىنە حابارلاعانداي، قىرعىزستان اۋە قورعانىس كۇشتەرىنىڭ تىكۇشاعى وقۋ-جاتتىعۋ بارىسىندا قونۋعا ءماجبۇر بولعان. زارداپ شەككەندەر بار.
«قورعانىس مينيسترلىگىنىڭ جانە اۋە قورعانىس كۇشتەرىنىڭ باسشىلىعى وقيعانىڭ ءمان-جايىن انىقتاۋ بويىنشا جۇمىستار جۇرگىزۋدە. تەرگەۋ ناتيجەلەرى تۋرالى قوسىمشا اقپارات كەيىنىرەك حابارلاناتىن بولادى»، - دەپ اتاپ ءوتتى ۆەدومستۆودان.