بەيبىتشىلىك سالاسىنداعى نوبەل سىيلىعىن 31 جىلعا سوتتالعان تۇرمەدەگى ايەل الدى

بەيبىتشىلىك سالاسىنداعى 2023-جىلعى نوبەل سىيلىعى يراندىق قۇقىق قورعاۋشى نارگيز موحامماديگە بۇيىردى.

нобель
Фото: Фото: Nobel Prize

قازاقپارات بۇل تۋرالى euronews اگەنتتىگىنە سىلتەمە جاساپ حابارلايدى.

نارگيز موحاممادي - ايەلدەر قۇقىعىن قورعاۋ جانە ءولىم جازاسىن الىپ تاستاۋدى جاقتاۋشىلاردىڭ ءبىرى.

ول يراندا بىرنەشە رەت قاماۋعا الىنىپ، قازىرگى كەزدە «مەملەكەتكە قارسى ۇگىت-ناسيحات جۇرگىزدى» دەگەن ايىپپەن ۇزاق مەرزىمگە سوتتالىپ، تۇرمەدە جازاسىن وتەپ جاتىر.

موحاممادي - 2003-جىلعى نوبەل بەيبىتشىلىك سىيلىعىنىڭ لاۋرەاتى شيرين ەبادي باسقاراتىن ادام قۇقىقتارىن قورعاۋ ورتالىعى ديرەكتورىنىڭ ورىنباسارى.

ول سونداي-اق يرانداعى ۇلتتىق بەيبىتشىلىك كەڭەسىنىڭ اتقارۋشى كوميتەتىنىڭ ءتورايىمى بولىپ سايلاندى.

سوڭعى جاڭالىقتار