بەيبىت جۇقايەۆ قىتايداعى جارىستى جەڭىسپەن باستادى

استانا. KAZINFORM - قازاقستاندىق تەننيسشى، الەمنىڭ 218-راكەتكاسى بەيبىت جۇقايەۆ جاڭجياگان (قىتاي) چەللەندجەر ءتۋرنيرىنىڭ ەكىنشى اينالىمىنا شىقتى.

مۇنىڭ الدىندا ا ق ش اشىق چەمپيوناتىنىڭ ىرىكتەۋ سايىسىندا وتانداسى تيموفەي سكاتوۆقا جول بەرگەن قازاقستاندىق سپورتشى بۇل جولى العاشقى اينالىمدا دۇنيەجۇزىلىك رەيتينگىدە 509-ورىندا تۇرعان سلوۆاكيالىق لۋكاش پوكورنىدىڭ مىسىن باستى.

ءبىرىنشى پارتيادا پوكورنى 3:1 ەسەبىمەن العا كەتكەنىمەن، جۇقايەۆ ەسە قايتارا ءبىلدى - 7:5.

ەكىنشى سەتتى بەيبىت برەيكپەن ءبىتىردى - 7:5.

ءبىر ساعات 44 مينۋتقا سوزىلعان باسەكە بارىسىندا جۇقايەۆ 6 ەيسپەن بىرگە 4 برەيك- پوينتتىڭ ۇشەۋىن ءمۇلت جىبەرگەن جوق. پوكورنى 6 ەيس، 1 برەيكتى (5 برەيك- پوينت) قاناعات تۇتتى.

جارىستىڭ 6-راكەتكاسى بولىپ تىركەلگەن بەيبىت جۇقايەۆ شيرەك فينالعا شىعۋ ءۇشىن رەيتينگىدە 327-ورىنداعى تايبەيلىك تۋن-لين ۆۋدان وتۋگە تىرىسىپ كورەدى.

ەسكە سالا كەتەيىك، بۇدان بۇرىن الەكساندر بۋبليكتىڭ ا ق ش اشىق چەمپيوناتىندا 19 جاستاعى تەننيسشىدەن جەڭىلىپ قالعانىن جازعان بولاتىنبىز.

الەكساندر شيەۆچەنكو العاشقى جەڭىسىنە قول جەتكىزدى.