بۇگىن قازاقستاننىڭ بىرنەشە وڭىرىندە قار جاۋىپ، جەل كۇشەيەدى

كەيبىر وبلىستاردا جەلدىڭ ەكپىنى 28 م/س-قا دەيىن جەتەدى، دەپ حابارلايدى Kazinform اگەنتتىگى «قازگيدرومەتكە» سىلتەمە جاساپ.

استانادا 6-قازاندا كەي ۋاقىتتا جاڭبىر مەن قار جاۋادى. وڭتۇستىك-باتىستان سوعاتىن جەلدىڭ ەكپىنى 15-20 م/س بولادى، تۇندە جانە تاڭەرتەڭ كەي ۋاقىتتا 23-28 م/س-قا دەيىن جەتەدى.

شىمكەنتتە تۇندە جانە تاڭەرتەڭ تۇمان تۇسەدى.

اقمولا وبلىسىندا جاڭبىر مەن قار جاۋادى، تۇندە وبلىستىڭ سولتۇستىگى مەن شىعىسىندا جاۋىن-شاشىن قاتتى بولادى. باتىسىندا، سولتۇستىگىندە جانە شىعىسىندا جاياۋ بۇرقاسىن مەن كوكتايعاق، كەي جەرلەردە تۇمان كۇتىلەدى. وبلىستىڭ سولتۇستىگى مەن شىعىسىندا جەلدىڭ ەكپىنى كەي ۋاقىتتا 23-28 م/س-قا جەتەدى.

قاراعاندى وبلىسىنىڭ باتىسىندا، سولتۇستىگىندە جانە شىعىسىندا جاڭبىر مەن قار جاۋادى، جولداردا كوكتايعاق بولادى. جەلدىڭ جىلدامدىعى 15-20 م/س، كۇندىز كەي جەرلەردە 23-28 م/س-قا دەيىن كۇشەيەدى.

پاۆلودار وبلىسىندا تۇندە باتىسى مەن سولتۇستىگىندە جاڭبىر مەن قار جاۋادى، كۇندىز جاۋىن-شاشىن وبلىستىڭ باسقا اۋماقتارىنا دا تارالادى. سولتۇستىگى مەن شىعىسىندا جاۋىن-شاشىن قاتتى بولادى. سونداي-اق جاياۋ بۇرقاسىن، كوكتايعاق جانە تۇمان كۇتىلەدى. كۇندىز جەلدىڭ ەكپىنى 23-28 م/س-قا دەيىن جەتەدى.

سولتۇستىك قازاقستان وبلىسىندا جاڭبىر مەن قار، جاياۋ بۇرقاسىن جانە كوكتايعاق كۇتىلەدى. تۇندە جانە تاڭەرتەڭ وبلىستىڭ سولتۇستىگى مەن شىعىسىندا تۇمان ءتۇسۋى مۇمكىن. وڭتۇستىگى مەن شىعىسىندا جەلدىڭ ەكپىنى 23-28 م/س-قا دەيىن جەتەدى.

قوستاناي وبلىسىندا تۇندە قار، جاياۋ بۇرقاسىن جانە كوكتايعاق بولادى. كۇندىز سولتۇستىگىندە، شىعىسىندا جانە وڭتۇستىگىندە جاڭبىر ارالاس قار جاۋادى. كەي جەرلەردە تۇمان ءتۇسىپ، جەل 15-20 م/س-قا دەيىن كۇشەيەدى.

جەتىسۋ وبلىسىنىڭ تاۋلى ايماقتارىندا جاۋىن-شاشىن، تۇندە كەي ۋاقىتتا قاتتى جاڭبىر مەن قار جاۋادى. ورتالىعى مەن تاۋلى اۋداندارىندا تۇمان كۇتىلەدى. الاكول كولدەرى اۋدانىندا جەلدىڭ ەكپىنى 23-28 م/س-قا دەيىن جەتەدى. تۇندە وبلىستىڭ باتىسى مەن سولتۇستىگىندە 2 گرادۋسقا دەيىن قاتقاق بولادى. شىعىسىندا ءورت قاۋپى جوعارى دەڭگەيدە ساقتالادى.

الماتى وبلىسىندا تۇندە شىعىسى مەن وڭتۇستىك-شىعىسىندا جاڭبىر مەن قار جاۋادى، تاۋلى ايماقتاردا تۇمان تۇسەدى. وبلىستىڭ سولتۇستىگىندە 1 گرادۋسقا دەيىن قاتقاق كۇتىلەدى.

شىعىس قازاقستان وبلىسىندا تۇندە شىعىسىندا جانە تاۋلى ايماقتارىندا جاڭبىر، قار جانە كوكتايعاق بولادى. باتىسىندا، سولتۇستىگىندە جانە شىعىسىندا تۇندە جانە تاڭەرتەڭ تۇمان كۇتىلەدى. وڭتۇستىگى مەن ورتالىعىندا ءورت قاۋپى جوعارى، ال وڭتۇستىك-شىعىسىندا توتەنشە ءورت قاۋپى ساقتالادى.

اباي وبلىسىندا تۇندە وڭتۇستىگى مەن شىعىسىندا جاڭبىر، قار جانە تۇمان كۇتىلەدى. وبلىس ورتالىعىندا ءورت قاۋپى جوعارى دەڭگەيدە ساقتالادى.

ۇلىتاۋ وبلىسىندا تۇندە سولتۇستىگى مەن شىعىسىندا جاڭبىر مەن قار جاۋادى. كەي جەرلەردە جەلدىڭ ەكپىنى 23 م/س-قا دەيىن جەتەدى. باتىسىندا، وڭتۇستىگىندە جانە ورتالىعىندا توتەنشە ءورت قاۋپى ساقتالادى.

قىزىلوردا وبلىسىندا كۇندىز باتىسىندا، سولتۇستىگىندە جانە ورتالىعىندا شاڭدى داۋىل كۇتىلەدى، جەل 15-20 م/س-قا دەيىن كۇشەيەدى. تۇندە سولتۇستىگىندە 2 گرادۋسقا دەيىن قاتقاق جۇرەدى. وڭىردە ءورت قاۋپىنىڭ جوعارى جانە توتەنشە دەڭگەيى ساقتالادى.

تۇركىستان وبلىسىندا تۇندە جانە تاڭەرتەڭ باتىسىندا، سولتۇستىگىندە، تاۋلى جانە تاۋ بوكتەرىندەگى اۋداندارىندا تۇمان تۇسەدى. تاۋلاردا 1 گرادۋسقا دەيىن قاتقاق جانە 15-20 م/س-قا دەيىن جەل كۇتىلەدى. وبلىستىڭ سولتۇستىگىندە توتەنشە ءورت قاۋپى ساقتالادى.

جامبىل وبلىسىندا تۇندە شىعىسىندا جانە تاۋلى ايماقتارىندا جاڭبىر مەن قار جاۋادى. تاۋلاردا تۇمان ءتۇسىپ، 2 گرادۋسقا دەيىن قاتقاق بولادى. كەي جەرلەردە جەلدىڭ ەكپىنى 15-20 م/س-قا دەيىن جەتەدى.

باتىس قازاقستان وبلىسىندا تۇندە جانە تاڭەرتەڭ سولتۇستىگى مەن شىعىسىندا تۇمان كۇتىلەدى. وڭتۇستىگى مەن شىعىسىندا ءورت قاۋپى جوعارى دەڭگەيدە ساقتالادى.

اتىراۋ وبلىسىندا ءورت قاۋپى جوعارى دەڭگەيدە، ءال وڭىردىڭ وڭتۇستىگىندە توتەنشە دەڭگەيدە ساقتالادى.

ماڭعىستاۋ وبلىسىندا باتىسى مەن ورتالىعىندا ءورت قاۋپى جوعارى دەڭگەيدە ساقتالادى.

بۇعان دەيىن سولتۇستىك قازاقستان وبلىسىندا كۇن كۇرت سۋىتىپ، كەي اۋدانداردا بۇگىن تۇندە قار جاۋعانى تۋرالى جازعان ەدىك.