بۇگىن جولعا شىعاتىن جۇرگىزۋشىلەر نەنى ەسكەرۋى كەرەك
استانا. KAZINFORM - قازاقستاننىڭ 10 وبلىسىندا جولدار تايعاق بولۋى مۇمكىن، دەپ حابارلايدى «قازاۆتوجول» ۇ ك باسپا ءسوز قىزمەتى.
بۇگىن اقمولا، اباي، اقتوبە، قاراعاندى، قوستاناي، جەتىسۋ، پاۆلودار، ۇلىتاۋ، سولتۇستىك قازاقستان جانە شىعىس قازاقستان وبلىستارىندا جاڭبىر ارالاس قار جاۋىپ، كەي جەرلەردە قار كۇتىلەدى.
- وسىعان بايلانىستى رەسپۋبليكالىق اۆتوجولداردىڭ جەكەلەگەن بولىكتەرىندە كورىنۋ قاشىقتىعى تومەندەپ، جول بەتى تايعاق بولۋى مۇمكىن. جۇرگىزۋشىلەرگە اۋا رايىن ەسكەرىپ، قاۋىپسىز اراقاشىقتىقتى ساقتاۋدى، جول جاعدايىنا قاراي جىلدامدىقتى تاڭداۋدى جانە وقىس مانيەۆر جاساماۋدى ۇسىنامىز، - دەپ ەسكەرتتى ماماندار.
وسىعان دەيىن س ق و-دا قىستا جالپى ۇزىندىعى 156 ك م بولاتىن قاۋىپتى 86 جول ۋچاسكەسى بار ەكەنىن جازعانبىز.
