بوتاي قونىسىندا «ۇلى دالا جورىعى» حالىقارالىق مارافونى باستالدى
پەتروپاۆل. KAZINFORM - بۇگىن V دۇنيەجۇزىلىك كوشپەندىلەر ويىنىنىڭ اياسىندا وتكىزىلەتىن «ۇلى دالا جورىعى» حالىقارالىق مارافون-بايگەسى لوبانوۆا اۋىلىنان باستاۋ الدى. بۇل جايىندا مادەنيەت جانە اقپارات مينيسترلىگىنەن حابارلاندى.
مارافون سولتۇستىك قازاقستانداعى بوتاي قونىسىنان باستالىپ، استانادا اياقتالادى.
وعان شەت مەملەكەتتەردەن 10 عا جۋىق شەتەلدىك كوماندا جانە 9 وتاندىق كوماندا قاتىستى. قاتىسۋشىلار 500 شاقىرىمدى ەڭسەرۋى كەرەك.
اتالعان ءىس-شارا شەتەلدىك قاتىسۋشىلارعا كوشپەلى وركەنيەتتىڭ زاماناۋي ۇلگىسىن كورسەتۋگە جانە قازاق مادەنيەتىن ناسيحاتتاۋعا باعىتتالعان.
«ۇلى دالا جورىعى» جوباسىنىڭ نەگىزگى ماقساتى - ۇمىت بولا باستاعان جىلقى تۇقىمدارىن قايتا جاڭعىرتۋ.
جارىسقا قاراشاي، كاباردين، اراب، تاتار، باشقۇرت، جاڭا قىرعىز تۇقىمدارى قاتىسىپ جاتىر.
«ۇلى دالا جورىعى» مارافون-بايگەسىنىڭ اياسىندا ۇيىمداستىرىلعان ماڭىزدى ءىس- شارانىڭ ءبىرى - «بوتاي - ۇلى دالا مادەنيەتى» جىلجىمالى كورمەسى. مارافون قاتىسۋشىلارى، كەلگەن قوناقتار بوتاي مادەنيەتىمەن تەرەڭ تانىسىپ، ەنەوليت زامانىنداعى قۇندى تاريحي جادىگەرلەردى تاماشالادى.
اتالمىش ءىس-شارانىڭ باعدارلاماسىنا بوتاي كورمەسىنىڭ ەنۋى كەزدەيسوق ەمەس. وسىدان 44 جىل بۇرىن ارحەولوگ عالىمدار سەنساتسيالىق جاڭالىق اشتى.
سولتۇستىك قازاقستان جەرىندە قامبار اتا تۇلىگى ەڭ العاش قولعا ۇيرەتىلگەن دەگەن تۇجىرىم جاسادى.
