بوستونعا جول: «بولاشاق» ءتىزىمى تاعى ءبىر ۋنيۆەرسيتەتپەن تولىقتى
استانا. KAZINFORM - عىلىم جانە جوعارى ءبىلىم ءمينيسترىنىڭ «بولاشاق» حالىقارالىق ستيپەندياسىن ىسكە اسىرۋدىڭ كەيبىر شارالارى تۋرالى» بۇيرىعىنا تولىقتىرۋ ەنگىزىلدى.
اتاپ ايتقاندا، 2024-2026-جىلدارعا ارنالعان «بولاشاق» حالىقارالىق ستيپەندياسىن تاعايىنداۋ كونكۋرسى جەڭىمپازدارىنىڭ وقۋى، تىلدىك كۋرستاردان ءوتۋى ءۇشىن ۇسىنىلاتىن شەتەلدىك جەتەكشى جوعارى وقۋ ورىندارىنىڭ، شەتەلدىك ۇيىمداردىڭ تىزىمىنە ا ق ش-تىڭ بوستون ۋنيۆەرسيتەتى قوسىلدى.
1-قازاندا رەسمي جاريالانعان بۇيرىق كۇنتىزبەلىك ون كۇن وتكەن سوڭ قولدانىسقا ەنگىزىلەدى.
بۇعان دەيىن عىلىم جانە جوعارى ءبىلىم مينيسترلىگى جاس عالىمدار تاعلىمدامادان وتەتىن شەتەلدىك ۋنيۆەرسيتەتتەر تىزبەسى كەڭەيتۋدى جوسپارلاپ وتىرعانىن جازعان ەدىك. ءتىزىم عىلىمي قوعامداستىقتىڭ وزەكتى قاجەتتىلىكتەرىن، زاماناۋي تەندەنتسيالاردى جانە عىلىمدى دامىتۋدىڭ باسىم باعىتتارىن، سونداي-اق جاڭا عىلىمي باعىتتار مەن پەرسپەكتيۆالى سەرىكتەس ۇيىمداردىڭ پايدا بولۋىن ەسكەرە وتىرىپ قالىپتاستىرىلادى.
