بورىشىن وتەپ جۇرگەن ساربازدارعا زاڭدى تۇردە كرەديتتىك دەمالىس راسىمدەلەدى

Сарбаз
فوتو: قورعانىس مينيسترلىگى

پارلامەنت ءماجىلىسى «كرەديت بەرۋ كەزىندە تاۋەكەلدەردى ازايتۋ، قارىز الۋشىلاردىڭ قۇقىقتارىن قورعاۋ، قارجى نارىعىن رەتتەۋ جانە اتقارۋشىلىق ءىس جۇرگىزۋدى جەتىلدىرۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قابىلدادى.

پارلامەنت سەناتىندا قارالعاننان كەيىن ول مەملەكەت باسشىسىنا قول قويۋعا بەرىلەدى.

«2022 -جىلدان باستاپ مەرزىمدى قىزمەتتەگى ساربازدارعا ارنالعان جەڭىلدىك قورعانىس مينيسترلىگى مەن ق ر قارجى نارىعىن رەتتەۋ جانە دامىتۋ اگەنتتىگى اراسىندا جاسالعان مەموراندۋم نەگىزىندە ىسكە اسىرىلىپ كەلەدى.

ءىس جۇزىندە اسكەرگە شاقىرۋ ناۋقانى كەزىندە اسكەرگە شاقىرىلۋشىلار ەكىنشى دەڭگەيدەگى بانكتەر مەن باسقا قارجى ينستيتۋتتارى الدىنداعى نەسيەلىك مىندەتتەمەلەرمەن اسكەرگە بارعىسى كەلمەيتىندىگىن ايتادى»، - دەپ جازدى قورعانىس مينيسترلىگىنەن.

مەموراندۋم قابىلدانعانعا دەيىن بانكتەر مەن ميكروقارجى ۇيىمدارى جاسالعان شارتتار بويىنشا اي سايىنعى تولەمدەردى توقتاتقان جوق.

وسى جاعدايلاردى ەسكەرە وتىرىپ، ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ دەپۋتاتتارى «قازاقستان رەسپۋبليكاسىنداعى بانكتەر جانە بانك قىزمەتى تۋرالى»، «ميكروقارجىلىق قىزمەت تۋرالى» جانە «كوللەكتورلىق قىزمەت تۋرالى» زاڭنامالىق اكتىلەرگە تۇزەتۋلەر ەنگىزدى.

ونىڭ نەگىزىندە بانكتەر، ميكروقارجى ۇيىمدارى جانە كوللەكتورلىق اگەنتتىكتەر مەرزىمدى اسكەري قىزمەت وتكەرۋدىڭ بارلىق كەزەڭىندە اسكەري مىندەتىن وتەپ جۇرگەن ساربازدارعا نەگىزگى بورىش پەن سىياقى بويىنشا تولەمدى كەيىنگە قالدىرۋدى جۇزەگە اسىردى.

زاڭنىڭ كۇشىنە ەنۋى نەسيە بويىنشا كەيىنگە قالدىرۋ ءراسىمىنىڭ قۇقىقتىق نەگىزىن قامتاماسىز ەتەدى. مەملەكەتتىك ورگانداردىڭ، بانكتەردىڭ، ميكروقارجى ۇيىمدارى مەن كوللەكتورلىق اگەنتتىكتەردىڭ اقپاراتتىق جۇيەلەرىن ينتەگراتسيالاۋدىڭ ارقاسىندا «كرەديتتىك دەمالىس» اۆتوماتتى تۇردە بەرىلەتىن بولادى.

سوڭعى جاڭالىقتار