بورانبايەۆ مەملەكەت مەنشىگىنە وتكىزگەن قوناق ءۇيدى كىم ساتىپ العانى بەلگىلى بولدى

Comfort Hotel Astana
Фото: booking.com

استانا. KAZINFORM - استانا اكىمدىگى قايرات بورانبايەۆ مەملەكەت مەنشىگىنە وتكىزگەن Comfort Hotel Astana قوناق ءۇي كەشەنىن كىم باسقارۋىنا العانىن ايتتى، - دەپ حابارلايدى Massaget.kz ءتىلشىسى.

قوناق ءۇيدى ساتىپ الۋ قۇقىعىمەن سەنىمگەرلىك باسقارۋعا بەرۋ بويىنشا ساۋدا-ساتتىق بارىسىندا ءبىر ءوتىنىش - «Invesco PowerShares Capital Management» ج ش س- نەن ءتۇستى، دەپ حابارلادى اكىمدىكتىڭ باسپا ءسوز قىزمەتى.

ۇلتتىق ستاتيستيكا بيۋروسى سايتىنداعى مالىمەتكە سايكەس، كومپانيا قازاقستاندا 2021-جىلى تىركەلگەن. «Invesco PowerShares Capital Management» ج ش س ەكونوميكالىق، بيۋجەتتىك جانە ستراتەگيالىق جوسپارلاۋ سالاسىنداعى ءپانارالىق زەرتتەۋلەر مەن ازىرلەمەلەرمەن اينالىسادى. شاعىن بيزنەسكە جاتادى.

چيكاگوعا جاقىن جەردە ورنالاسقان Invesco PowerShares دەگەن ءىرى امەريكالىق ينۆەستيتسيالىق باسقارۋ كومپانياسى دا ءدال وسىلاي اتالادى. ول بيرجالىق قورلاردى باسقارادى.

تەندەر شارتى بويىنشا، ءتىپتى ءبىر قاتىسۋشىعا دا ساۋدالاسۋعا رۇقسات ەتىلگەن. تەندەردىڭ جەڭىمپازى 3920000000 تەڭگەگە قوناق ءۇي كەشەنىن الدى. اۋكسيوننىڭ كەپىلدى جارناسى 587 ميلليون ​​914 مىڭ تەڭگە بولادى.

 

سوڭعى جاڭالىقتار