بومباعا بايلانىستى لۋۆر مەن ۆەرسالداعى ادامدار دەرەۋ ەۆاكۋاتسيالاندى

 الاڭداۋشىلىق ارتىپ كەلەدى. سەنبى كۇنى قاۋىپ- قاتەرگە بايلانىستى لۋۆر مەن ۆەرسال سارايى ەۆاكۋاتسيالاندى، دەپ حابارلايدى Kazinform اگەنتتىگى ەuronews-كە سىلتەمە جاساپ.

فرانسيادا جارىلىس قاۋپى تۋرالى ەسكەرتۋدەن كەيىن لۋۆر مەن ۆەرسال سارايىنداعى كەلۋشىلەر دەرەۋ ەۆاكۋاتسيالاندى.

پاريجدىڭ ورتالىعىندا ورنالاسقان لۋۆرعا كەلۋشىلەر مەن قىزمەتكەرلەر دابىل قاعىلىسىمەن مۇراجاي عيماراتىنان اسىعىس شىعىپ كەتتى.

كەيىن پاريجدەگى ليون ۆوكزالىنىڭ ەۆاكۋاتسيالانعانى تۋرالى اقپارات تارادى. ول جەردەن كۇدىكتى پاكەت تابىلعان.

جۇما كۇنى فرانتسيادا «تەرروريزمگە قارسى توتەنشە ەسكەرتۋ» رەجيمى ەنگىزىلدى.

13-قازان كۇنى بيلىك قاۋىپ دەڭگەيىن ارتتىرۋ جونىندە شەشىم قابىلدادى.

بۇل كۇنى ارراس قالاسىنداعى گامبەتتا كوللەدجىنە جاسالعان شابۋىلدان ءبىر ءمۇعالىم قازا تاۋىپ، بىرنەشە ادام جارالاندى.

تەرگەۋ اياسىندا پوليتسەيلەر 11 ادامدى ۇستادى.

فرانسيانىڭ ىشكى ىستەر ءمينيسترى جەرالد دارمانەن تاياۋ شىعىستا بولىپ جاتقان وقيعالار مەن ارراستاعى شابۋىل اراسىندا بايلانىس بولۋى مۇمكىن ەكەنىن ايتتى.

دارمانەن ەلدىڭ قاۋىپسىزدىك قىزمەتى ءقاۋىپتى دەپ سانايتىن كەز كەلگەن شەتەلدىكتى ەلدەن شىعارۋعا شاقىردى.

ءى ءى م مالىمەتىنشە، فرانسيادا ءبىر اپتا ىشىندە انتيسەميتيزمنىڭ 189 ارەكەتى انىقتالعان.

سونىمەن قاتار، كيپر قاۋىپسىزدىك شارالارىن كۇشەيتتى.

ارال يزرايلدەن تەڭىز جانە اسكەري ۇشاقپەن كەتىپ جاتقان جۇزدەگەن ادامدى قابىلداۋدى جالعاستىرىپ جاتىر.

وسى جەكسەنبىدە كيپرگە ەكى مىڭنان استام ادام كەلەدى دەپ حابارلاندى.