بولات وتەمۇراتوۆ اقتوبە وبلىسىنىڭ تۇرعىندارىنا 10 ميلليارد تەڭگە ءبولدى
استانا. KAZINFORM - بولات وتەمۇراتوۆ اتىنداعى قور كوكتەمگى سۋ تاسقىنىنان زارداپ شەككەن اقتوبە وبلىسىنىڭ تۇرعىندارىنا كەزەكتى 10 ميلليارد تەڭگە كولەمىندە قاراجات بولەتىنىن حابارلادى، دەپ جازادى Egemen.kz.
قاراجات ومىرلىك ماڭىزدى ينفراقۇرىلىمدى قالپىنا كەلتىرۋگە، باسپاناسىز قالعان ادامدار ءۇشىن ءۇي ساتىپ الۋعا جانە سالۋعا جۇمسالادى.
«مەن سۋ تاسقىنى ايماعىندا ورنالاسقان ايماقتارداعى توتەنشە جاعدايدى قاداعالاپ وتىرمىن، حالىققا شۇعىل كومەك قاجەت جانە ءبىز ونى بار كۇشىمىزبەن جانە قولدا بار رەسۋرستارمەن قامتاماسىز ەتۋدى جالعاستىرامىز الدىڭعى قاتاردا قيىن جاعدايعا تاپ بولعان مىڭداعان قانداستارىمىزدىڭ قاۋىپسىزدىگى مەن ەرتەڭىنە دەگەن سەنىمىنىڭ كەپىلى بولا وتىرىپ، ونىڭ شەشىمدەرىن ءبىز ءارقاشان قولدايتىن بولامىز»، دەدى بولات وتەمۇراتوۆ.
ەسكە سالايىق، 1-ساۋىردە قازاقستاندىق كاسىپكەردىڭ قورى سۋ تاسقىنىنىڭ سالدارىمەن كۇرەسۋ جانە تابيعي اپاتتان زارداپ شەككەندەردىڭ ءبىرىنشى كەزەكتەگى قاجەتتىلىكتەرىن قامتاماسىز ەتۋ ءۇشىن 680 ميلليون تەڭگە بولگەن بولاتىن.
