بولات توكەجانوۆ ەڭبەك مينيسترلىگى اپپاراتىنىڭ باسشىسى بولىپ تاعايىندالدى
ق ر ەڭبەك جانە حالىقتى الەۋمەتتىك قورعاۋ ءمينيسترى بۇيرىعىمەن بولات توكەجانوۆ ۆەدومستۆو اپپاراتىنىڭ باسشىسى قىزمەتىنە تاعايىندالدى، دەپ حابارلايدى Kazinform پرەمەر-ءمينيستردىڭ باسپا ءسوز قىزمەتىنە سىلتەمە جاساپ.
بولات توكەجانوۆ 1972 -جىلى شىعىس قازاقستان وبلىسىندا دۇنيەگە كەلگەن.
قازاق مەملەكەتتىك باسقارۋ اكادەمياسىن، ق ر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ ۇلتتىق مەملەكەتتىك ساياسات مەكتەبىن بىتىرگەن.
ەڭبەك جولىن 1989 -جىلى ش ق و ۇلان اۋدانى «وبۋحوۆسكي» سوۆحوزىنىڭ جۇمىسشىسى بولىپ باستاعان.
1994 -جىلى شىعىس قازاقستان وبلىستىق سالىق ينسپەكتسياسى سىرتقى ەكونوميكالىق قىزمەت ءبولىمىنىڭ سالىق ينسپەكتورى بولدى.
1995-1996 -جىلدارى - شىعىس قازاقستان وبلىستىق سالىق ينسپەكتسياسىنىڭ بىرلەسكەن شەتەلدىك كاسىپورىندارعا سالىق سالۋ سەكتورىنىڭ اعا ينسپەكتورى.
1996-1997 -جىلدارى - مىندەتتى مەديتسينالىق ساقتاندىرۋ قورىنىڭ شىعىس قازاقستان وبلىستىق ءبولىمىنىڭ قارجى-ەكونوميكالىق ءبولىمىنىڭ جەتەكشى مامانى.
1997-1999 -جىلدارى - مىندەتتى مەديتسينالىق ساقتاندىرۋ قورىنىڭ شىعىس قازاقستان وبلىستىق ءبولىمى قارجى باسقارماسىنىڭ باسشىسى - ديرەكتوردىڭ ورىنباسارى.
1999-2000 -جىلدارى - مەديتسينالىق قىزمەتتەرگە اقى تولەۋ ورتالىعىنىڭ شىعىس قازاقستان وبلىستىق بولىمشەسىندە باسشىلىق قىزمەتتەردى اتقاردى.
2000 ج. - «دەنساۋلىق» ر م ق ك شىعىس قازاقستان وبلىستىق فيليالىنىڭ ديرەكتورى.
2001-2003 -جىلدارى – ش ق و «اقپاراتتىق- مەديتسينالىق ورتالىعى» م م ديرەكتورى.
2003-2013 -جىلدارى - ق ر دەنساۋلىق ساقتاۋ مينيسترلىگىنىڭ قۇرىلىمىندا باسشىلىق لاۋازىمداردا جۇمىس ىستەدى.
2013-2014 -جىلدارى - ق ر دەنساۋلىق ساقتاۋ ۆيتسە-ءمينيسترى.
2014-2017 -جىلدارى - دەنساۋلىق ساقتاۋ جانە الەۋمەتىتك دامۋ مينيسترلىگى مەن دۇنيەجۇزىلىك بانك جوباسىنىڭ «ق ر دەنساۋلىق ساقتاۋ سەكتورىندا تەحنولوگيالاردى بەرۋ جانە ينستيتۋتسيونالدىق رەفورما جۇرگىزۋ» ۇلتتىق ۇيلەستىرۋشىسى (جەتەكشىسى).
2017-2019 -جىلدارى - قازاقستان رەسپۋبليكاسى دەنساۋلىق ساقتاۋ مينيسترلىگىنىڭ جاۋاپتى حاتشىسى.
2019-2020 -جىلدارى - دەنساۋلىق ساقتاۋ جانە الەۋمەتىتك دامۋ مينيسترلىگى مەن دۇنيەجۇزىلىك بانكتىڭ «الەۋمەتتىك مەديتسينالىق ساقتاندىرۋ» جوباسىنىڭ ۇلتتىق ۇيلەستىرۋشىسى (جەتەكشىسى).
2020 -جىلدىڭ شىلدەسىنەن 2022 -جىلدىڭ قاڭتارىنا دەيىن «الەۋمەتتىك مەديتسينالىق ساقتاندىرۋ قورى» ك ە ا ق باسقارما ءتوراعاسى بولدى.
2022 -جىلدىڭ شىلدەسىنەن وسى ۋاقىتقا دەيىن ق ر عىلىم جانە جوعارى ءبىلىم مينيسترلىگىنىڭ اپپارات باسشىسى قىزمەتىن اتقاردى.
بۇعان دەيىن ق ر ە ح ا ق م اپپاراتىنىڭ باسشىسى بولعان انارحان ديۋسەنوۆا قىزمەتىنەن بوساتىلدى.
