بولگاريادان حاماس-تىڭ قۇپيا ارسەنالى تابىلدى

 استانا. KAZINFORM - گەرمانيا پروكۋراتۋراسىنىڭ مالىمەتىنشە، سودىرلار بەرلينگە قارۋ- جاراق جەتكىزىپ، ونى ەۋروپاداعى يەۆرەي ۇيىمدارىنا قارسى تەراكت جاساۋ ءۇشىن پايدالانباق. بۇل تۋرالى The Voice of America جازدى.

بولگاريا پوليتسياسى وتكەن جىلدىڭ جەلتوقسان ايىندا گەرمانيا مەن نيدەرلاند ەلىندە تۇتقىندالعان ءتورت كۇدىكتىدەن حاماس مۇشەسىنە قاتىسى بار قارۋ قويماسىن تاپقان بولاتىن.

نەمىس پروكۋرورلارى ءتورت كۇدىكتىنىڭ «ەۋروپاداعى يەۆرەي مەكەمەلەرىنە جاسالۋى مۇمكىن لاڭكەستىك ارەكەتتەرگە بايلانىستى ساق بولۋ ءۇشىن» قارۋ جيناعانىن ايتتى.

سارسەنبى كۇنى Der Spiegel جۋرنالى پوليسيا كۇدىكتىلەردىڭ ءبىرىنىڭ ۇيالى تەلەفونىنان اتىس قارۋى مەن وق-دارىلەردىڭ فوتوسۋرەتتەرىن تاپقانىن حابارلادى. باسىلىمنىڭ مالىمەتىنشە، فوتوسۋرەتتەر تەرگەۋشىلەردى بولگاريانىڭ وڭتۇستىگىندەگى قاراعاي تۇبىندە كومىلگەن قارۋ-جاراق قويماسىنا اپارعان. نەمىس دەرەككوزدەرى AFP اگەنتتىگىنە قارۋ قويماسىنىڭ بولگاريادان تابىلعانىن راستادى. بولگاريانىڭ پروكۋراتۋراسى مەن ىشكى ىستەر مينيسترلىگى بۇل اقپاراتتى انىقتاۋدان باس تارتتى.

پروكۋرورلاردىڭ ايتۋىنشا، ا. ابدەلحاميد ەسىمدى كۇدىكتىلەردىڭ بىرىنە ۇيىم باسشىلارى «ەۋروپادا بۇرىن جاسىرىلعان قارۋ-جاراق قويماسىن» تابۋدى تاپسىرعان.