«بولاشاق» ستيپەندياسى يەگەرلەرىنىڭ ءتورتىنشى لەگىنىڭ ءتىزىمى جاريالاندى
شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ شەشىمىمەن 167 قازاقستاندىق «بولاشاق» حالىقارالىق ستيپەندياسىنىڭ يەگەرى اتاندى. ونىڭ ىشىندە 131 ادام ماگيستراتۋرادا، 4 ادام دوكتورانتۋرادا وقيدى، 32 قازاقستاندىق الەمنىڭ جەتەكشى جوعارى وقۋ ورىندارى مەن وندىرىستىك ورتالىقتارىنا تاعىلىمدامادان وتۋگە جىبەرىلەدى، دەپ حابارلايدى Kazinform.
عىلىم جانە جوعارى مينيسترلىگى باسپا ءسوز قىزمەتىنىڭ مالىمەتىنشە، ستيپەندياتتاردىڭ باسىم كوپشىلىگى ينجەنەرلىك-تەحنيكالىق بەيىن باعىتتارى بويىنشا دايارلىقتان وتەدى. وقىتۋ 66 ماماندىق بويىنشا جۇرگىزىلەدى. بيىل مەملەكەت باسشىسىنىڭ تاپسىرماسى بويىنشا «بولاشاق» باعدارلاماسىن قايتا باعدارلاۋ بويىنشا ينجەنەرلىك- تەحنيكالىق مامانداردى دايارلاۋعا ەرەكشە كوڭىل ءبولىندى. ينجەنەرلەر مەن مەديتسينا قىزمەتكەرلەرىنە، ماگيستراتۋراعا ۇمىتكەرلەرگە كۆوتالار ەنگىزىلدى. ولار وقۋدى باستاماس بۇرىن 12 ايعا دەيىن تىلدىك دايىندىقتان وتە الادى، ول ءۇشىن ستيپەندياعا ءوتىنىش بەرگەن كەزدە ۋنيۆەرسيتەتتەن شاقىرۋ قاجەت ەمەس.
«ادىلەتتى قازاقستاننىڭ ەكونوميكالىق باعدارى» جولداۋىندا مەملەكەت باسشىسى عىلىمي ىنتىماقتاستىقتى كەڭەيتۋ جانە اگروونەركاسىپتىك كەشەن، گەولوگيالىق بارلاۋ، IT- سەكتور، كرەاتيۆتى يندۋستريا جانە ت. ب. ءۇشىن كادرلار دايارلاۋ جونىندە تاپسىرمالار بەردى. بۇل باعىتتار سۇرانىسقا يە جانە وزەكتى، ءبىز ۇمىتكەرلەر سانىن كوبەيتۋ، شاكىرتاقى الۋ جانە وسى باعىتتار بويىنشا مامانداردى دايىندايتىن جوو ىزدەۋ جۇمىستارىن جۇرگىزدىك»، - دەدى «حالىقارالىق باعدارلامالار ورتالىعى» ا ق باسقارما ءتورايىمى ءاليا وسپانوۆا.
ۇمىتكەرلەر University of Aberdeen, University of Illinois at Urbana-Champaign, Australian National University, University of Oxford سياقتى الەمدىك رەيتينگتەر قاتارىنا كىرەتىن جوعارى وقۋ ورىندارىنا ءتۇستى.
«اقپاراتتىق تەحنولوگيالار جانە جۇيەلەر»، «ۇلكەن دەرەكتەردى تالداۋ»، «قۇرىلىس ينجەنەرياسى» جانە «گەولوگيا. تاۋ-كەن ءىسى. گەودەزيا» سياقتى ماماندىقتار ۇمىتكەرلەردىڭ ۇلكەن قىزىعۋشىلىعىن تۋدىرادى. سونداي-اق شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ شەشىمىمەن 481 قازاقستاندىق الەمنىڭ جەتەكشى عىلىمي ورتالىقتارىندا عىلىمي تاعىلىمدامادان ءوتۋ ءۇشىن گرانت يەگەرى اتاندى.
ستيپەندياتتار 9 باعىت بويىنشا زەرتتەۋ جۇرگىزەدى: ينجەنەرلىك عىلىمدار، جاراتىلىستانۋ عىلىمدارى، گۋمانيتارلىق سالا، اگروونەركاسىپتىك كەشەن، اقپاراتتىق-كوممۋنيكاتسيالىق تەحنولوگيالار، الەۋمەتتىك عىلىمدار، ءبىلىم، مەديتسينا، ونەر.
مىنا سىلتەمە بويىنشا تىزىممەن تانىسۋعا بولادى: https://bolashak.gov.kz/kz/stipendiya-
