10:40, 30 - قاڭتار 2025 | GMT +5
ايگىلى اكتەر ەشقاشان ۇيالى تەلەفونى بولماعانىن ايتتى
استانا. قازاقپارات - 81 جاستاعى اتاقتى اكتەر كريستوفەر ۋوكەن ۇيالى تەلەفون، email جانە الەۋمەتتىك جەلىلەردى مۇلدە پايدالانبايتىنىن مويىندادى.

«ۇيىمدە تەك سپۋتنيك انتەنناسى بار. ءتىپتى ءوزىم تۇسكەن Severance سەريالىن دا DVD ارقىلى كورەمىن، ولاردى ماعان ءتۇسىرىلىم توبى جىبەرەدى. ەشقاشان email جازعان ەمەسپىن جانە تۆيتتەر دەگەننىڭ نە ەكەنىن بىلمەيمىن»، - دەدى ول The Wall Street Journal-عا بەرگەن سۇحباتىندا.
ۋوكەننىڭ ايتۋىنشا، ول ءاردايىم جاڭا تەحنولوگيادان تىس ءومىر سۇرگەن جانە بايلانىس ءۇشىن ءداستۇرلى ادىستەردى قولدانۋدى ءجون كورەدى.
«بۇرىن تەلەفون- اۆتوماتتار بار ەدى، ال قازىر ادامدار ءبىر-بىرىمەن تەك ەكران ارقىلى سويلەسەدى»، - دەپ قوستى اكتەر.
ول سيفرلىق الەمنىڭ قارقىندى دامۋىنا قاراماستان، ءوز ءومىر سالتىن وزگەرتۋدى جوسپارلامايتىنىن ايتتى.