بەتىڭىزگە ءاجىمنىڭ تۇسۋىنە تۇرتكى بولاتىن ۇيقى قالىپتارى مەن تاعامدار تۇرلەرى

بەت تەرىسىنىڭ جاس كۇيدە قالۋىنا كۇن، كۇتىم، تاماقتانۋ سەكىلدى كوپتەگەن فاكتور اسەر ەتەدى. بەت كۇتىمى بويىنشا مامان كەيت كەرر بەتىڭىزگە ءاجىمنىڭ شىعۋىنا ۇيىقتاۋ قالپىڭىز دا اسەر ەتەتىنىن ايتتى.

ونىڭ ايتۋىنشا، ادام ىشپەن (ەكى بەتپەن) نەمەسە ءبىر جانىمەن جاتىپ، ۇيىقتايتىن بولسا، ونىڭ بەتىندە تىك قاتپارلار پايدا بولادى. بۇل الدىمەن مۇرىننان ەرىن بۇرىشىنا دەيىن شىققان ۋاقىتشا قاتپار بولۋى مۇمكىن، ءبىراق كەيىنىرەك ول تەرىدە ءىز قالدىرادى.

سونىمەن قاتار، وكۋلوپلاستيكالىق حيرۋرگ ماريام زاماني ءبىر جانمەن جاتىپ ۇيىقتاۋ بەلگىلى ءبىر ايماققا قىسىم جاساپ، سالدارىنان قاتپار مەن ءاجىم شىعۋى مۇمكىن دەپ قوستى.

بۇل كوز، ەرىن جانە بەتتىڭ اسيممەترياسىن ناشارلاتادى. جاسى ۇلعايعان سايىن اسيممەتريا ايقىنىراق بولادى، وعان قوسا تەرىنىڭ سەرپىمدىلىگى تومەندەيدى، ياعني ستاتيكالىق سىزىقتاردىڭ ىلعالدانۋى جانە تۇنگى ۇيقىدان كەيىن قالپىنا كەلۋى ۇزاعىراق بولۋى مۇمكىن.

ماماندار بەت تەرىسىن جاس كۇيدە ساقتاۋ ءۇشىن ارقامەن ۇيىقتاۋعا كەڭەس بەردى.

ايتا كەتەيىك، بۇعان دەيىن ءاجىمنىڭ ەرتە تۇسۋىنە ىقپال ەتەتىن تاعام ءتىزىمىحابارلانعان بولاتىن.

ەرتە ءاجىم تۇسۋىنە ىقپال ەتەتىن تاعامدار

كوپشىلىك ايەل بەتىندەگى ءاجىمدى كورگەندە كوڭىل كۇيى تۇسەدى. ادەتتە، بەتتەگى ءاجىمنىڭ تەرەڭ جانە ايقىن بولا تۇسۋىنە ادامداردىڭ وزدەرى كىنالى. سۇلۋلىعىڭىزعا زيان كەلتىرەتىن ونىمدەردى ۇسىنامىز.

كوفەين

ۇلكەن قالالاردا تۇراتىن ادارداردىڭ كوپشىلىگى كوفە ىشكەندى جاقسى كورەدى. الايدا كەز كەلگەن كوفەينى بار سۋسىندار تەرىنى قۇرعاق ەتەدى، ال ول ءاجىمدى كوبەيتەدى. بۇل قارا جانە كوك شايدى جاقسى كورەتىندەرگە دە بايلانىستى. سەبەبى بۇل سۋسىنداردىڭ قۇرامىندا دا كوفەين بار. ارينە، كوك شايدا كوفەين ازىراق، ءبىراق ونى دا شامادان تىس كوپ ىشۋگە بولمايدى. سوندىقتان كوفەينى بار سۋسىنداردى ازايتىڭىز جانە تەرىنى قوسىمشا ىلعالداندىرىڭىز.

قانت

قانتتىڭ زيانى جايلى ءبارى بىلەدى. قانت دەنساۋلىققا قانا ەمەس، تەرى جاعدايىنا دا زيان. قانت كوپتەگەن تاعامنىڭ قۇرامىندا بار ەكەنىن ۇمىتپاڭىز. سوندىقتان ول مولشەردەن بولەك شايعا قانت سالىپ ءىشۋدىڭ قاجەتى جوق جانە تورت، ءتاتتى پىسىرمەلەر، پەچەنەلەردى ساتىپ الا بەرمەگەن ءجون.

ءسۇت

ءسۇت جانە ءسۇت ونىمدەرى ادامنىڭ ءوسۋ پروتسەسى كەزىندە اعزاعا شىنىمەن دە پايدالى، ءبىراق 25 جاستان كەيىن تۇتىناتىن ءسۇت مولشەرىن ازايتقان دۇرىس. سەبەبى قۇرامىندا لاكتوزاسى بار ونىمدەر توتىعۋ پروتسەستەرىن كۇشەيتەدى، ال ول ەرتە ءاجىم پايدا بولۋىنا، تەرىنىڭ قۇرعاقتىعىنا جانە باسقا دا تەرى پروبلەمالارىنا اكەلەدى.

الكوگول

الكوگول كەز كەلگەن مولشەردە ءسىزدىڭ دەنساۋلىعىڭىزعا جانە سۇلۋلىعىڭىزعا زيان. الكوگول بوس كومىرسۋلاردان تۇرادى. ول كوللاگەن وندىرۋىمەن بايلانىستى پروبلەمالار تۋدىرادى. تەرى سۇلۋلىعىن ساقتاعىڭىز كەلسە، الكوگولدەن مۇلدەم باس تارتقان ءجون.