16:10, 22 - شىلدە 2024 | GMT +5
بەس ميلليون تەڭگە پارا العان: الماتىداعى جۇقپالى اۋرۋلار ورتالىعىنىڭ باسشىسى قاماۋعا الىندى
الماتى. KAZINFORM - الماتى قالاسى بويىنشا سىبايلاس جەمقورلىققا قارسى قىزمەتى قازاق دەرماتولوگيا جانە جۇقپالى اۋرۋلار عىلىمي ورتالىعىنىڭ باسشىسى مەن ونىڭ ورىنباسارىنا قاتىستى سوتقا دەيىنگى تەرگەۋ جۇرگىزۋدە.
«ولار مەديتسينالىق قىزمەتكەرلەردىڭ بىلىكتىلىگىن ارتتىرۋ بويىنشا قىزمەتتەر كورسەتۋگە شارت جاساسقانى ءۇشىن حالىقارالىق جوعارى وقۋ ورنىنان كەيىنگى ءبىلىم بەرۋ ينستيتۋتىنىڭ باسشىسىنان 5 ميلليون تەڭگە سوماسىندا پارا الۋ بويىنشا كۇدىككە ءىلىندى.
سوتتىڭ سانكسياسىمەن ورتالىقتىڭ باسشىسى قاماۋعا الىندى»، - دەپ جازدى انتيكوردان.
تەرگەۋ جالعاسۋدا.
قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.
اۆتور
اسحات رايقۇل
