بەس جىل جۋىنباعان دارىگەر: تەرىنىڭ ءبىز بىلمەيتىن قۇپياسى

дәрігер
pixabay.com

استانا. قازاقپارات - حەمبلين ادامعا گيگيەنا جانە تەرى كۇتىمىنىڭ پايداسىنا قاراعاندا زيانى كوبىرەك دەگەندى العا تارتادى.

دارىگەر جەيمس حەمبلين «تازالىق: تەرى تۋرالى جاڭا عىلىم» اتتى كىتابىن جازۋ ءۇشىن بەس جىل بويى جۋىنباي، سابىن قولدانباي، ارنايى زەرتتەۋ جۇرگىزىپ كورگەن. ونىڭ بۇل ەكسپەريمەنتى كوپشىلىك اراسىندا دۇربەلەڭ تۋدىردى. جەيمس حەمبلين - يەل ۋنيۆەرسيتەتىندە قوعامدىق دەنساۋلىق ساقتاۋ پانىنەن ساباق بەرەدى ءارى ول - The Atlantic كومپانياسىنىڭ قىزمەتكەرى.

Bigthink.com سايتىنا مالىمدەگەندەي، حەمبلين ادامعا گيگيەنا جانە تەرى كۇتىمىنىڭ پايداسىنا قاراعاندا زيانى كوبىرەك دەگەندى العا تارتادى. سونىمەن قاتار زاماناۋي گيگيەنا مەن تەرى كۇتىمى كوپ ۋاقىتتى قاجەت ەتەدى. حەمبلين اتاپ وتكەندەي، ەگەر ءسىز كۇن سايىن دۋش قابىلداپ، تەرىڭىزگە كۇتىم جاسايتىن بولساڭىز، 100 جىل ءومىرىڭىزدىڭ ەكى جىلدان استامىن دەنە كۇتىمىنە ارنايسىز.

دارىگەر «دەنەمىز سويلەي العاندا» اتتى كىتابىندا دەنەگە بايلانىستى كوپتەگەن ميفتى تارقاتا جازادى. «Clean» فيلمىندە دە ءبىزدىڭ ەڭ ۇلكەن اعزامىزعا نازار اۋدارىلادى. تەرى - بۇل بولەك ورتا. تومەندە ونىڭ كىتابىنان الىنعان 4 مىسالعا نازار اۋدارساق.

سابىنعا اۋەستەنۋ اللەرگيا تۋدىرۋى مۇمكىن

بالالاردى باكتەريادان قورعايمىز دەپ جۇرگەندە ولاردى بايقاۋسىزدا اللەرگياعا شالدىقتىرۋىمىز مۇمكىن. جەرجاڭعاق اللەرگياسىنىڭ كوبەيۋى دە بۇل تەندەنتسيانى كورسەتەدى. تەرى - اۋرۋدان قورعانۋدىڭ ءبىرىنشى جەلىسى جانە ول ءوزىن قالاي قورعاۋ كەرەكتىگىن بىلەدى. ءبىزدىڭ تەرىمىزدە ءومىر سۇرەتىن ورگانيزمدەر مەن باكتەريالار ماڭىزدى «جۇمىس» اتقارادى. ولاردى قانشالىقتى كوپ جۋساق، سىرتقى ورتا ءۇشىن سوعۇرلىم سەزىمتال بولامىز.

جاڭعاققا اللەرگيانىڭ بولۋى - شامادان تىس جۋىنۋدىڭ ءبىر عانا سالدارى. اللەرگيالىق رينيت، استما جانە ەكزەما سابىندى تىم كوپ قولدانۋدان تۋىنداۋى مۇمكىن. حەمبلين جازعانداي: «سابىن مەن تەرى كۇتىمىنە ارنالعان زاتتار ميكروبتارمەن قورەكتەنەتىن مايدى كەتىرەدى».

سابىن - ماركەتينگتىڭ جەڭىسى

ءسىز دۇكەننەن الىنعان سابىننىڭ ءيىسى مەن قاپتاماسى ءۇشىن اقى تولەيسىز. 1790 -جىلى سابىن شىعارۋعا مۇمكىندىك بەرەتىن كۇلدى قايتا وڭدەۋ ادىسىنە العاشقى پاتەنت بەرىلدى. بۇل بىردەن تانىمال بولا قويعان جوق. دەسە دە ءتۇرلى كومپانيالار امەريكالىقتاردى ۇنەمى جۋىنۋ جانە زاتتاردى جۋۋ قاجەتتىلىگىنە سەندىردى. ءساتتى ماركەتينگتىڭ ارقاسىندا سابىن ءاربىر ادامنىڭ قاجەتتىلىگىنە اينالدى. ماركەتولوگتار حالىقتى ءار ادام كوپ سابىن ساتىپ الۋى كەرەك دەپ سەندىردى. ءسويتىپ سابىن حالىق كوپ قولداناتىن زاتقا اينالدى.

تەرى كۇتىمى يندۋسترياسى ءىس جۇزىندە رەتتەلمەگەن

حەمبلين وسى كىتاپ ءۇشىن تاعى ءبىر جوبانى قولدانىپ، تەرى كۇتىمى جەلىسىن ىسكە قوستى. بىردە ول Whole Foods-قا كىرىپ، شيكى ينگرەديەنتتەردى ساتىپ الادى: جوجوبا مايى، كوللاگەن، شي مايى جانە ت. ب. ولاردى ارالاستىرعاننان كەيىن Amazon-نان شىنى ىدىستار مەن جاپسىرمالارعا تاپسىرىس بەرەدى. ول BRunson + Sterling-تى ىسكە قوسۋ ءۇشىن بارلىعى 150 دوللار جۇمسايدى (كومپانيانىڭ ۆەب-سايتىن قوسىپ ەسەپتەگەندە). سودان كەيىن ول Gentleman's cream ەكى ۋنتسيا بانكاسىن 200 دوللارعا ساتىلىمعا شىعارادى (جاپپاي ساتىلىم 300 دوللاردان باستالادى).

حەمبلين ەشقانداي بانكا ساتقان جوق. ويتكەنى بۇل ونىڭ ماقساتى ەمەس ەدى. كورمەدە ول 166 دوللارعا ساتىلاتىن ءبىر ۋنتسيالىق SkinCeuticals CE Ferulic بانكالارىن بايقايدى، دەگەنمەن بۇل دەنساۋلىقتى جاقسارتپايدى. كوللاگەن - تاعى ءبىر حايپ ماشيناسى. ونى قولدانۋ تەرىڭىزگە اسەر ەتپەيدى، ويتكەنى ول اس قورىتۋ جولدارىنىڭ فەرمەنتتەرىمەن ىدىرايدى. وسىعان قاراماستان، كومپانيالاردىڭ كوبى بۇل تەرىگە جىلتىر رەڭ بەرەدى دەيدى.

حەمبلينگە FDA-عا ەشقانداي ينگرەديەنتتەر تۋرالى حابارلاۋدىڭ قاجەتى بولعان جوق. سونداي-اق وعان تاۋاردىڭ اسەرىن ايتۋدىڭ نەمەسە قاۋىپسىزدىك دالەلدەرىن ۇسىنۋدىڭ دا قاجەتى جوق ەدى. وعان تەك بيزنەس ليتسەنزياسىنا ءوتىنىش بەرۋ كەرەك بولدى. FDA، ءتىپتى، ونى ءونىمدى قايتارىپ الۋعا ماجبۇرلەي المايدى. بىلە بىلسەڭىزدەر، مەملەكەتتىك قاۋىپسىزدىك جۇيەسى ار- نامىس كودەكسىنە سۇيەنەدى، دەسە دە ول كوزقاراستى قۇپتامايتىن كاسىپورىندار كوپ.

بۇل دا - ونەرتابىستىڭ ءبىر ءتۇرى

زاماناۋي ماركەتينگتەگى سابىن جارناماسى ءبىر تۇجىرىمداماعا نەگىزدەلگەن: ءبىز دەنەنىڭ ءيىسى بەرىلەدى دەپ سانايمىز، ءبىراق بۇل دا - ونەرتابىستىڭ ءبىر ءتۇرى. اياقتارىمىزدان ساڭىراۋقۇلاققا قارسى كۇشتى قاسيەتتەرى بار Bacillus subtilis سياقتى باكتەريالاردىڭ اسەرىنەن «ءيىس شىعادى». تاريحتان بايقاعانىمىزداي، ادام بالاسىنا اياق كيىم ىلعي قولجەتىمدى بولمادى. كەي كەزەڭدەردە اياقتان ءيىس شىعۋ كۇشتى ەۆوليۋتسيالىق ارتىقشىلىق بەردى. حەمبلين جازعانداي، ءبىز ۋاقىت وتە كەلە ءيىس سەزىمىن دامىتقان جوقپىز، ءبىز جاي عانا جاعىمسىز قورعانىس ميكروبتارىمەن بىرگە دامىدىق.

دەنساۋلىق ساقتاۋ جانە تەرى كۇتىمى سالاسىنداعى ساۋداگەرلەردىڭ كوبى دۇرىس نيەتتە بولسا دا، ساتىلاتىن زاتتاردىڭ كوپشىلىگى قاجەتسىز، ءتىپتى، زياندى كەلەدى. الايدا ماركەتينگ ماشيناسىنىڭ اسەرىنەن ءبىز جايسىز، سەنىمسىز بولامىز. سوندىقتان وزىمىزگە سەنىمدى بولىپ، جارقىراپ ءجۇرۋىمىز ءۇشىن ولار ۇسىنعان ءونىمدى الۋعا ءماجبۇرمىز. حەمبلين قورىتىندىلاعانداي، عىلىمي نەگىزدەلگەن كومپانيالار تەرى كۇتىمى مەن گيگيەناعا قاراما-قارسى كوزقاراستى قولدانادى: از ءونىم، دەمەك كوبىرەك پايدا دەگەن ءسوز.

سوڭعى جاڭالىقتار