بەس شەتەل انيماتسيالىق فيلمى قازاق تىلىنە اۋدارىلىپ جاتىر - مينيستر
جىل سوڭىنا دەيىن 5 شەتەل انيماتسيالىق فيلمى قازاق تىلىنە اۋدارىلىپ كورەرمەندەرگە جول تارتادى.

بۇل تۋرالى مادەنيەت جانە اقپارات ءمينيسترى ايدا بالايەۆا ءمالىم ەتەدى، دەپ حابارلايدى قازاقپارات ءتىلشىسى.
«دۋبلياج بويىنشا جۇمىس جۇرگىزىلىپ جاتىر. مۋلتفيلمدەر اۋدارماسى جانە دۋبلياج كينونى قولداۋ ورتالىعىنىڭ بايقاۋى ارقىلى وتەدى. ءبىز وسى جىلى بىرنەشە رەت كونكۋرس جاريالادىق، وكىنىشكە قاراي، كومپانيالار حالىقارالىق كريتەرييلەرگە سايكەس كەلمەيدى. وتكەن سەنبىدە وسى يندۋستريا وكىلدەرىمەن كەزدەستىم. وسى ورايدا زاڭعا وزگەرىس ەنگىزۋ ماسەلەسىن پىسىقتاپ جاتىرمىز. قازىر ءبىز كينونى قولداۋ ورتالىعى ارقىلى 5 كومپانيا شەتەل بالالار انيماتسيالىق فيلمدەرىن قازاق تىلىنە اۋدارىپ جاتىر»، - دەدى ايدا بالايەۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ءمينيستردىڭ مالىمدەۋىنشە، كوپتەگەن دۋبلياج كومپانيالارىنىڭ ناقتى سەرتيفيكاتى جوق.
«قازىر جۇرگىزىلگەن كەلىسسوزدەر بارىسىندا وسى ماسەلەنى شەشەتىن بىرنەشە كومپانيا تابىلدى. جىل سوڭىنا دەيىن 5 انيماتسيالىق فيلم پروكاتقا شىعادى»، - دەيدى ول.