بريۋسسەلدە پالەستينانى قولداعان 20 مىڭنان استام ادام ەۋروپالىق شەرۋگە شىقتى
سەنبى كۇنى بريۋسسەلدىڭ سولتۇستىك ۆوكزالىندا پالەستينانى قولداۋعا ارنالعان ەۋروپالىق شەرۋ باستالدى. وعان 20 مىڭنان استام ادام جينالدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
شەرۋشىلەر اتىستى تەز ارادا توقتاتۋدى تالاپ ەتىپ جاتىر. سونىمەن قاتار ولار يزرايلدى سوعىس زاڭدارىن قۇرمەتتەمەدى جانە بەيبىت تۇرعىنداردى قاساقانا قىرىپ سالدى دەپ ايىپتادى.
بريۋسسەل پوليتسياسى دەمونسترانتتار قوزعالعان كەزدە قوسىمشا قاۋىپسىزدىك شارالارىن ۇيىمداستىردى. سونىمەن قاتار ا ق ش پەن يزرايل ەلشىلىكتەرىنە قاۋىپسىزدىك شارالارىن كۇشەيتتى.
بەلگيا ۇلتتىق مەيرامى - بىتىمگەرشىلىك كۇنىن اتاپ ءوتتى. سوندىقتان شەرۋگە ازاماتتىق قوعامنىڭ كوپتەگەن وكىلى قاتىسقان.
ۇيىمداستىرۋشىلار ەۋروپالىق وداق يزرايل مەن پالەستينا اراسىنداعى زورلىق- زومبىلىقتى توقتاتۋدى تالاپ ەتۋى كەرەك دەپ سانايدى.
«ءبىز حالىقارالىق قۇقىقتى قۇرمەتتەۋ قانشالىقتى ماڭىزدى ەكەنىن ۇجىمدىق تۇردە تۇسىندىرگىمىز كەلەدى. سونداي- اق پالەستينادا حالىقارالىق قۇقىقتىڭ بۇزىلۋىنا ەۋروپانىڭ ارەكەتسىزدىگىن ايىپتايمىز»، - دەدى ۇيىمداستىرۋشىلار.
اۆتور
ەلميرا ورالبايەۆا
