بۇرىن مينيستر بولعان اسقار وماروۆ جاڭا قىزمەتكە تاعايىندالدى
استانا. KAZINFORM - اسقار وماروۆ قازاقستان حالىق كەڭەسى ءتوراعاسىنىڭ كەڭەسشىسى قىزمەتىنە تاعايىندالدى.
قىركۇيەكتە ەرلان قوشانوۆ قازاقستان حالىق كەڭەسىنىڭ ءتوراعاسى بولىپ سايلاندى. ايتا كەتەيىك، بۇل - قازاقستان تاريحىنداعى تۇڭعىش جوعارى كونسۋلتاتيۆتىك ورگان. ەلىمىزدىڭ ەتنيكالىق، الەۋمەتتىك، قوعامدىق-ساياسي ەرەكشەلىكتەرىن ءبىر ارناعا توعىستىراتىن جاڭا قۇرىلىم زاڭنامالىق باستاما كوتەرۋ قۇقىعىنا يە.
اسقار وماروۆ تۋرالى نە بەلگىلى؟
ايتا كەتەيىك، اسقار وماروۆ 1976-جىلى 30-ماۋسىمدا الماتى قالاسىندا دۇنيەگە كەلگەن. ول ءار جىلدارى مەملەكەتتىك قىزمەتتەر اتقارىپ، اقپارات جانە قوعامدىق دامۋ ءمينيسترى، پرەزيدەنت جانىنداعى ورتالىق كوممۋنيكاتسيالار قىزمەتىنىڭ ديرەكتورى بولدى.
ەسكە سالايىق، 20-قازاندا اسقار وماروۆ پرەزيدەنت جانىنداعى ورتالىق كوممۋنيكاتسيالار قىزمەتىنىڭ ديرەكتورى لاۋازىمىنان بوساتىلدى. ونىڭ ورنىنا قانات قۇلشىمانوۆ تاعايىندالدى.
