بۇرقاسىن، قار، كوكتايعاق: ءۇش كۇنگە سينوپتيكتەر بولجامى

  «قازگيدرومەت» ر م ك 21-23-جەلتوقسانعا كۇن رايى بولجامىن ۇسىندى، دەپ حابارلايدى kazinform.

«كەزەڭنىڭ باسىندا رەسپۋبليكانىڭ سولتۇستىك جانە شىعىس بولىگىندە، سونداي- اق ورتالىعىندا اتموسفەرالىق فرونتتاردىڭ وتۋىمەن تۇندە قار، كۇندىز جاۋىن- شاشىن (قار، جاڭبىر)، تۇندە سولتۇستىك پەن شىعىستا قاتتى قار كۇتىلەدى.

23-جەلتوقساندا اتلانتيكالىق سيكلونىنىڭ اسەرىنەن قازاقستاننىڭ باتىسى مەن وڭتۇستىك- باتىسىندا جاۋىن-شاشىن (جاڭبىر، قار) بولجانادى. رەسپۋبليكا بويىنشا كوكتايعاق، بۇرقاسىن، ەكپىنى 25 م/س- قا دەيىن جەتەتىن جەل كۇتىلەدى. سونداي-اق تۇمان بولادى. دەگەنمەن، اۋا تەمپەراتۋراسىندا كۇرت وزگەرىس كۇتىلمەيدى»، - دەلىنگەن سينوپتيكتەر مالىمەتىندە.