بۇرقاسىن، كوكتايعاق: بەيسەنبىگە كۇن رايى بولجامى

Бұрқасын, көктайғақ: Бүгін ауа райы қандай болады
فوتو: مۋحتور حولدوربەكوۆ/kazinform

استانا. قازاقپارات - 18-قاڭتاردا قازاقستان اۋماعىنىڭ باسىم بولىگىندە كەڭ اۋقىمدى انتيتسيكلوننىڭ اسەرىنەن جاۋىن-شاشىنسىز كۇن رايى قالىپتاسادى. بۇل تۋرالى «قازگيدرومەت» ر م ك ءمالىم ەتتى.

ەلدىڭ تەك باتىس، سولتۇستىك-باتىس، سولتۇستىك اۋداندارىندا اتموسفەرالىق فرونتتاردىڭ وتۋىمەن اۋا رايىنىڭ قۇبىلمالى سيپاتى بولجانادى. ونىمەن جاۋىن- شاشىن (كوبىنەسە قار)، بۇرقاسىن، تۇمان، كوكتايعاق، جەلدىڭ كۇشەيۋى كۇتىلەدى.

سينوپتيكتەر 8 وڭىردە ەسكەرتۋ جاريالاپ وتىر.

اتاپ ايتقاندا، باتىس قازاقستان وبلىسىنىڭ وڭتۇستىگىندە، سولتۇستىگى مەن شىعىسىندا تۇماندى بولادى.

تۇركىستان وبلىسىنىڭ وڭتۇستىگىندە، تاۋلى جانە تاۋ بوكتەرلى اۋداندارىندا - تۇمان، تاۋ اسۋلارىندا جاياۋ بۇرقاسىن بولجانادى. وڭتۇستىك- شىعىستان جەل سوعادى، وبلىستىڭ تاۋ اسۋلارىندا ەكپىنى 15-20 م/س قۇرايدى.

اتىراۋ وبلىسىندا كوكتايعاق بولادى. ءوڭىردىڭ باسىم اۋماعىندا تۇمان بايقالادى.

شىمكەنت قالاسىندا تۇندە جانە تاڭەرتەڭ كەي ۋاقىتتا تۇمان كۇتىلەدى.

تۇندە ماڭعىستاۋ وبلىسىنىڭ باتىسىندا، سولتۇستىگى مەن شىعىسىندا - كوكتايعاق، باتىسىندا، سولتۇستىگى مەن ورتالىعىندا تۇمان بولجانادى.

كۇندىز سولتۇستىك قازاقستان وبلىسىنىڭ باتىسىندا جاياۋ بۇرقاسىن سوعادى. وڭتۇستىكتەن جەل سوعادى، ءوڭىردىڭ وڭتۇستىگى مەن باتىسىندا ەكپىنى 15-20 م/س قۇرايدى.

تۇندە قوستاناي وبلىسىنىڭ باتىسىندا، سولتۇستىگىندە، كۇندىز وبلىستىڭ شىعىسى مەن سولتۇستىگىندە - بۇرقاسىن، ءوڭىردىڭ وڭتۇستىگىندە تۇمان كۇتىلەدى. جەلدىڭ جىلدامدىعى 15-20 م/س قۇرايدى.

الماتى وبلىسىندا ۇلكەن جانە كىشى الماتى سۋ الابتارىندا جاۋىن-شاشىننىڭ تۇسۋىنە جانە قار جامىلعىسىنىڭ تۇراقسىز بولۋىنا بايلانىستى قار كوشكىنى ءجۇرۋى مۇمكىن.

سوڭعى جاڭالىقتار