بەرليندە 160 مىڭنان استام ادام پارتيالاردىڭ ساياساتىنا قارسى شەرۋگە شىقتى

استانا. KAZINFORM - بەرليندە دەمونسترانتتار ورتالىق وڭشىل ح د و/ح س و مەن اسىرە وڭشىل «گەرمانيا ءۇشىن بالاما» پارتياسى اراسىنداعى ىنتىماقتاستىققا نارازىلىق ءبىلدىردى. بۇعان دەيىن پارتيالار كوشى- قون ساياساتىن قاتاڭداتۋ ءۇشىن بىرلەسىپ داۋىس بەرگەن بولاتىن.

В Берлине более 160 тысяч человек вышли на митинг
Фото: x.com/BoschJeffray

وسى دەمالىس كۇندەرى گەرمانيا كوشەلەرىنە ون مىڭداعان ادام شىعىپ، حدو جەتەكشىسى فريدريح مەرتس ۇسىنعان قاتاڭ يمميگراتسيالىق ساياساتقا جانە كونسەرۆاتيۆتى ح د و/ح س و بلوگىنىڭ بۋندەستاگتاعى «گەرمانيا ءۇشىن بالاما» وڭشىل پارتياسىمەن ىنتىماقتاستىعىنا قارسىلىق ءبىلدىردى.

ەڭ ۇلكەن ميتينگىلەردىڭ ءبىرى بەرليندە ءوتتى. قالا پوليتسەيلەرىنىڭ مالىمەتىنشە، وعان 160 مىڭعا جۋىق ادام قاتىسقان. دەمونستراتسيانى ۇيىمداستىرۋشىلار قاتىسۋشىلاردىڭ سانىن 250 مىڭ دەپ ەسەپتەيدى.

بەلسەندىلەر رەيحستاگ ماڭىنا جينالىپ، تيرگارتەن ساياباعى ارقىلى لاندۆەر كانالىنىڭ جاعاسىنداعى ح د و- نىڭ فەدەرالدىق شتاب- پاتەرىنە دەيىن ءجۇردى.

- مەن بۇل تۋرالى مەرتس مىرزاعا مەيىرىممەن ايتقان ەدىم، ونىڭ العان جاقسى تاربيەسى تۋرالى تاعى ءبىر مارتە ەسكە ءتۇسىردىم. «فاشيستەرمەن وينامايدى» دەگەن ءسوز بار. ول تىرىستى، مەن ونىڭ بىلايشا ايتقاندا، تەرىس قىلىعى ءۇشىن لايىقتىسىن الادى دەپ ۇمىتتەنەمىن، - دەدى نارازىلىق بىلدىرۋشىلەردىڭ ءبىرى.

بەرليندەگى نارازىلىق اكتسياسى «وتقا يوزىمدى قابىرعا» - «براندماۋەر ءۇشىن ميتينگ» اتاۋىنا يە بولدى. گەرمانيادا نەگىزگى پارتيالاردىڭ ەشبىر جاعدايدا وڭشىلدارمەن ىنتىماقتاسپاۋ تۋرالى شەشىمى وسىلاي اتالدى. ءدال وسىنداي شەرۋلەر دەمالىس كۇندەرى بۇكىل ەلدە ءوتتى.

نارازىلىق بىلدىرۋشىلەر مەن سولشىل ساياساتكەرلەر گەرمانيا كانتسلەرى لاۋازىمىنا جەتەكشى ۇمىتكەر سانالاتىن فريدريح مەرتستى تىيىمدى بۇزعانى ءۇشىن ايىپتادى.

مەرتستىڭ ءوزى ۇستانىمىنىڭ وزگەرمەگەنىن جانە «گەرمانيا ءۇشىن بالاما» پارتياسىمەن جۇمىس ىستەمەگەنىن جانە جۇمىس ىستەمەيتىنىن، پارلامەنتتەگى داۋىس بەرۋ جاي عانا كەزدەيسوقتىق ەكەنىن العا تارتىپ وتىر.

ەسكە سالا كەتسەك، گەرمانيا پارلامەنتى ح د و- نىڭ يمميگراتسيالىق رەفورمالارىن قابىلدامادى.

گەرمانيادا كەزەكتەن تىس سايلاۋ 23 - اقپاندا وتەدى.

 

سوڭعى جاڭالىقتار