بۇرشاق جانە سەل قاۋپى: الماتىلىقتارعا ەسكەرتۋ جاسالدى
الماتى. KAZINFORM - الماتى قالاسىنىڭ توتەنشە جاعدايلار دەپارتامەنتى قازگيدرومەتتىڭ داۋىلدى ەسكەرتۋىنىڭ نەگىزىندە 18-شىلدەدە قالانىڭ تاۋلى اۋماعىندا قاتتى جاۋىن شاشىن، تاڭەرتەڭ جانە كۇندىز قالادا نايزاعاي، بۇرشاق، جەل كۇتىلەتىنى تۋرالى حابارلادى.
نايزاعاي كەزىندە جەل سوعىپ، جەل ەكپىنى سەكۋندىنا 18-23-مەترگە دەيىن جەتۋى مۇمكىن.
سونداي- اق ت ج د باسپا ءسوز قىزمەتى قاتتى جاۋىن-شاشىنعا بايلانىستى تاۋلى ايماقتا سۋ تاسقىنى بولۋى مۇمكىن ەكەنىن حابارلادى.
- 17-20- شىلدە ارالىعىندا قاتتى جاۋىن- شاشىنعا بايلانىستى تاۋلى ايماقتاردا سۋ دەڭگەيى كوتەرىلۋى مۇمكىن! قاۋىپتى بەلگىلەردەن اسقان جاعدايدا الماتى قالاسىنىڭ اۋماعىنا ىرگەلەس تاۋ بوكتەرى مەن اۋدانداردا، سۋ تاسقىنى بولۋى مۇمكىن. وسىعان وراي الماتى قالاسىنىڭ ت ج د تۇرعىندارعا جاقىن ورنالاسقان ارىقتار مەن كانالداردى قوقىستان تازارتۋ قاجەتتىگىن ەسكەرتەدى، - دەلىنگەن ت ج د حابارلاماسىندا.
