بەردەنوۆكە قوقان-لوققى كورسەتىلگەنى تۋرالى ونىڭ پارتيالاستارى حابارلادى

شىمكەنت. KAZINFORM - جۋرناليست، بەلگىلى كاسىپكەر بەيبىت الىبەكوۆ بولعان جاعدايدى قالاداعى قۇرىلىس سالاسىندا ءتارتىپ ورناتۋمەن بايلانىستى بولۋى مۇمكىن ەكەنىن اتاپ ءوتتى.

- جەكە ءوزىم بۇل جاعداي شىمكەنتتەگى قۇرىلىس سالاسىندا ءتارتىپ ورناتۋمەن بايلانىستى بولۋى مۇمكىن دەپ ويلايمىن، بۋكمەكەرلەرگە قاتىسى بار دەگەنگە كۇمانىم بار. تەك بۇگىن عانا وسى تاقىرىپتا قاتاڭ جينالىس ءوتتى. ماعان رۋسلانعا قوقان-لوققى جاسالعانىن ايتقان ەدى، - دەپ جازدى كاسىپكەر ءوزىنىڭ Telegram-ارناسىندا.

ول وق اتقان ادامنىڭ رۋسلاننىڭ قول استىندا جۇمىس ىستەگەنىن، اكىمدىككە قاراستى ج ش س-نىڭ باسشىسى بولعانىن جانە جۋىردا جۇمىستان بوساتىلعانىن جازدى.

- وكپەسى مەن باۋىرىنا زاقىم كەلگەن. ءبىراق ءبارى جاقسى بولادى، - دەپ قوستى بەيبىت الىبەكوۆ.

ەسكە سالا كەتەيىك، بۇعان دەيىن شىمكەنتتە قالا اكىمىنىڭ ورىنباسارى رۋسلان بەردەنوۆتى اتىپ كەتكەنىن جازعان ەدىك.

الدىن الا مالىمەتتەرگە سايكەس، كۇدىكتى شەنەۋنىككە قاراي ءۇش رەت وق اتقان. وقيعا سالدارىنان اكىمدىك قىزمەتكەرى جاراقات الىپ، اۋرۋحاناعا جەتكىزىلگەن.

شىمكەنت پوليتسياسى قىلمىستىق ءىس قوزعالىپ، تەرگەۋ امالدارى جۇرگىزىلىپ جاتقانىن حابارلادى.