برازيليا تەلەارناسىندا جاس ونەرپاز ديماش قۇدايبەرگەنگە ءتانتى ەكەنىن ايتتى
استانا. KAZINFORM - برازيليانىڭ Domingo Espetacular تەلەباعدارلاماسىندا قازاقستاندىق ءانشى ديماش قۇدايبەرگەننىڭ شىعارماشىلىعى جانە ونىڭ جاس مۋزىكانتتاردىڭ كاسىبي قالىپتاسۋىنا تيگىزگەن ىقپالى تۋرالى باياندالدى، دەپ حابارلايدى Dimashnews.
ديماشتىڭ ەسىمى ەرەكشە ۆوكالدىق قابىلەتىنىڭ ارقاسىندا الەۋمەتتىك جەلىلەردە كەڭىنەن تانىلعان 21 جاستاعى برازيليالىق ءانشى ۆاندەرلەي جۋنيورعا (Vanderlei Jْnior) ارنالعان تەلەسيۋجەتتە اتالدى.
سۇحبات بارىسىندا جاس ونەرپاز ديماش قۇدايبەرگەننىڭ شىعارماشىلىعىمەن العاش رەت 13 جاسىندا تانىسقانى تۋرالى ايتتى. ءدال وسى كەزەڭدە ونىڭ كلاسسيكالىق ۆوكال ونەرىنە دەگەن قىزىعۋشىلىعى ويانعان ەكەن.
-13 جاسىمدا مەن ديماش ەسىمدى ءانشىنىڭ ونەرىنە ەرەكشە ءتانتى بولدىم. ول - قازاقستاننىڭ تۋماسى ەكەن. ونىڭ ءۇنى الەمدەگى ەڭ عاجايىپ داۋىستاردىڭ ءبىرى دەپ ەسەپتەيمىن. ديماشتىڭ اندەرىن تىڭداي ءجۇرىپ، كلاسسيكالىق مۋزىكا الەمىن تاني باستادىم. سول كەزدە: «مەن دە سول سياقتى بولعىم كەلەدى»، - دەپ ويلاعانىم ەسىمدە. ونىڭ ونەرى مەنى قاناتتاندىردى»، - دەپ ءبولىستى ۆاندەرلەي.
قازىرگى ۋاقىتتا برازيليالىق جاس تالانت كاسىبي مۋزىكالىق جولىن قالىپتاستىرىپ، وپەرا ونەرىنىڭ بيىك بەلەستەرىن باعىندىرۋعا ۇمتىلۋدا.
وسىعان دەيىن مەكسيكاداعى Dears قاۋىمداستىعىنا ديماش تۋرالى 60 كىتاپ تابىستالعانى تۋرالى جازدىق.
