بۋرابايدا قۇتقارۋشىلار زەينەتكەردى تاۋدان ءتۇسىردى
كوكشەتاۋ. KAZINFORM - بۋراباي كۋرورتىندا تاۋعا شىققان زەينەتكەر وزدىگىنەن تومەن تۇسە الماي قۇتقارۋشىلاردىڭ كومەگىنە جۇگىندى.
اقمولا وبلىسى ت ج د باسپا ءسوز قىزمەتىنىڭ مالىمەتىنشە، 66 جاستاعى زەينەتكەر ايەل كراسنىي يار اۋلىنىڭ تۇرعىنى. بۋرابايعا دەمالۋعا بارعان.
«بۇگىن جەدەل-قۇتقارۋ جاساعىنىڭ قىزمەتكەرلەرى 1958-جىلعى ايەلدى بۋراباي كۋرورتىنداعى كوكشەتاۋ تاۋىنان ءتۇسىردى. زەينەتكەر 300 مەتر بيىكتىكتە كوتەرىلىپ، اياعىن جارقاتتاپ العان. سول سەبەپتى، وزدىگىنەن تومەن تۇسە الماي قۇتقارۋشىلاردىڭ كومەگىنە جۇگىندى. قۇتقارۋشىلار زەينەتكەردى زەمبىلمەن ءتۇسىرىپ، جەدەل جاردەم بريگاداسىنا تاپسىردى»، - دەدى ۆەدومستۆودان.
وسى رەتتە، ت ج د قىزمەتكەرلەرى دەمالۋشىلاردان تاۋداعى قاۋىپسىزدىك شارالارىن ساقتاۋدى جانە توتەنشە جاعداي تۋىنداعان جاعدايدا «112» جەدەل جەلىسىنە قوڭىراۋ شالۋدى سۇرايدى.
ايتا كەتسەك، بۇدان بۇرىن بۋرابايدا تاۋدان تۇسە الماعان ءۇش تۋريست قۇتقارىلعانىن جازعان ەدىك.
