بۋرابايدا ۆەلوسيپەدپەن اعاشعا سوعىلعان تۋريست بالا كوز جۇمدى
كوكشەتاۋ. KAZINFORM - بۋرابايدا كۋرورتىنا ساياحاتقا كەلگەن استانالىق جاس ءوسپىرىم وقىس وقيعادان قايتىس بولدى.
اقمولا وبلىسى پ د كامەلەت جاسىنا تولماعان بالانىڭ قايتىس بولعانىن راستادى. قازىرگى كەزدە وسى دەرەك بويىنشا ءىس قوزعالعان.
«قاۋىپسىزدىك تالاپتارىنا ساي كەلمەيتىن قىزمەت كورسەتۋ دەرەگى بويىنشا قىلمىستىق ءىس قوزعالدى. الدىن الا انىقتالعانداي، بالا جالعا العان ۆەلوسيپەدپەن اعاشقا سوعىلعان. سونىڭ سالدارىنان العان دەنە جاراقاتىنان وقيعا ورنىندا كوز جۇمدى. قازىرگى ۋاقىتتا ساراپتاما تاعايىندالىپ، تەرگەۋ امالدارى قولعا الىندى»، - دەدى ۆەدومستۆودان.
ايتا كەتسەك، بۇدان بۇرىن اقمولا وبلىسىندا قاۋىپسىزدىك ەرەجەلەرىنىڭ ساقتالماۋى سالدارىنان ءبىر دەمالۋشى قازا بولىپ، ەكەۋى زارداپ شەككەن تاۋ شاڭعىسى بازاسىنىڭ باسشىسى 4 جىلعا سوتتالعانىن جازعان ەدىك.
اۆتور
اسلان وسپانوۆ
