بۋرابايدا ايەلدىڭ كۇيگەن دەنەسى تابىلدى: پوليتسيا تۇسىنىك بەردى
كوكشەتاۋ. KAZINFORM - بۋراباي اۋدانىندا ايەلدىڭ كۇيگەن دەنەسى تابىلۋىنا بايلانىستى پوليتسيا تۇسىنىك بەردى.
اقمولا وبلىسى پ د باسپا ءسوز قىزمەتىنىڭ مالىمەتىنشە، قازىرگى كەزدە بۋراباي اۋدانىندا ايەلدى ءولتىرۋ دەرەگىنە قاتىستى سوتقا دەيىنگى تەرگەۋ امالدارى قولعا الىندى.
«جەدەل- ىزدەستىرۋ ءىس-شاراسى بارىسىندا وسى قىلمىسقا قاتىسى بولۋى مۇمكىن ەكى كۇدىكتى انىقتالىپ، ۋاقىتشا ۇستاۋ وقشاۋلاعىشىنا قامالدى. قىلمىستىق پروتسەسسۋالدىق كودەكستىڭ 201-بابىنا سايكەس وزگە دە اقپارات جاريالاۋعا جاتپايدى»، - دەپ ءتۇسىندىردى ۆەدومستۆودان.
ايتا كەتسەك، الەۋمەتتىك جەلىدە بۋراباي اۋدانى اۋماعىنداعى ورمان القابىنان ايەلدىڭ ءمايىتى تابىلعانى تۋرالى جاريالانعان بولاتىن. جازبادا ايەلدى ىشىمدىك ءىشۋ كەزىندە تانىستارى ءولتىرىپ، ارتىنشا ورماننىڭ ىشىنە اپارىپ دەنەسىن ورتەگەنى ايتىلادى.
ەسكە سالايىق، اقمولا وبلىسىندا رەسەي ازاماتىن ولتىرگەن كۇدىكتى ۇستالدى.
اۆتور
اسلان وسپانوۆ
