بۋرابايدا 300 استام ادامنىڭ قاتىسۋىمەن PikeMan چەللەندجى ءوتتى
كوكشەتاۋ. KAZINFORM - بۋراباي كۋرورتىندا اۋەسقوي سۋدا جۇزۋشىلەر اراسىندا جىلدىڭ ەڭ جارقىن سپورتتىق شارالارىنىڭ ءبىرى - PikeMan اۋەسقوي ءجۇزۋ-چەللەندجى ءوتتى، دەپ حابارلايدى قازاقپارات ءتىلشىسى.
«سپورت، دەنساۋلىق جانە ەكولوگيا» قوعامدىق بىرلەستىگى جانە ق ر پ ءى ب «بۋراباي دامۋ» ج ش س بىرلەسىپ وتكىزگەن شاراعا 300 دەن استام ادام قاتىسىپ، باق سىنادى.
«جىل سايىن ارىپتەستەرىمىزبەن بىرلەسىپ، وڭىردە بۇقارالىق سپورتتى جانە ءتۋريزمدى ناسيحاتتاۋ ماقساتىندا PikeMan اۋەسقوي ءجۇزۋ- چەللەندجىن وتكىزىپ تۇرامىز. شاراعا قاتىسۋشىلار سانى جىلدان جىلعا ارتىپ كەلەدى. بيىل جۇزۋگە 300 گە جۋىق ادام قاتىسۋى سونىڭ ايقىن دالەلى»، - دەدى «بۋراباي دامۋ» ج ش س باس ديرەكتورىنىڭ ورىنباسارى شىڭعىس ورازالين.
چەللەندج بارىسىندا اۋەسقويلار، بالالار جانە تاجىريبەلى سپورتشىلار سۋدا 3 شاقىرىمدى ءجۇزىپ ءوتتى.
«بۋراباي كۋرورتىنا دەمالۋعا العاش رەت كەلىپ وتىرمىن. بىردەن وسى جارىسقا تاپ بولدىم. سول سەبەپتى، ءوز كۇشىمدى سىناپ كورەيىن دەپ شەشتىم. جارىس تاماشا كوڭىل- كۇي سىيلادى»، - دەپ اسەرىمەن ءبولىستى الەكسەي نينەنكو ەسىمدى اۋەسقوي سۋدا ءجۇزۋشى.
جارىس قورىتىندىسى بويىنشا ەرلەر اراسىندا 42 مينۋت 39 سەكۋند ناتيجەسىمەن استانا قالاسىنان ستانيسلاۆ رەدكو ءبىرىنشى بولىپ مارەگە جەتسە، ايەلدەر اراسىندا 61 مينۋت 10 سەكۋندتا ءجۇزىپ وتكەن الەكساندر سيليناعا ەشكىمگە دەس بەرمەدى.
ايتا كەتسەك، PikeMan اۋەسقوي ءجۇزۋ- چەللەندجى بۋراباي كۋرورتىندا جىل سايىن وتكىزىلىپ تۇرادى جانە اۋەسقوي سۋدا جۇزۋشىلەر اراسىندا تانىمالدىلىعى ارتىپ كەلەدى.
ەسكە سالايىق، بۇدان بۇرىن «بۋراباي» ۇلتتىق پاركىنىڭ اۋماعىنداعى كولدەردە سۋدىڭ دەڭگەيى كوتەرىلگەنىن جازعان ەدىك.
اۆتور
اسلان وسپانوۆ
