بۋراباي جولىندا 95 كولىك سوعىلعان ءىرى اپاتتىڭ سەبەبى ايتىلدى

استانا. KAZINFORM - توتەنشە جاعدايلار مينيسترلىگى توتەنشە جاعدايلاردى جويۋ دەپارتامەنتىنىڭ باس مامانى ماگومەد احريەۆ كوكشەتاۋ-شۋچينسك جولىندا 95 كولىك سوعىلعان ءىرى اپات تۋرالى پىكىر ءبىلدىردى.

- بۇل وقيعا تۋرالى ايتساق، ءبىزدىڭ مالىمەتىمىز بويىنشا اپاتقا كولىك تىزبەگىنە ىلەسكەندەردىڭ جىلدامدىق رەجيمىن ساقتاماۋى سەبەپ بولعانىن عانا ايتا الامىن. ياعني، ءبىزدىڭ جول-كولىك وقيعاسىنىڭ سەبەبىن انىقتايتىن وكىلەتىمىز جوق. ىشكى ىستەر ورگاندارى قازىر تەرگەۋ جۇرگىزىپ، اپات سەبەپتەرىن انىقتاپ جاتىر، - دەدى ت ج م وكىلى.

«استانا-شۋچە» تاس جولىنداعى جاپپاي كولىك اپاتىندا 95 كە جۋىق اۆتوكولىك زارداپ شەككەنىن جازعان بولاتىنبىز.

ايتا كەتۋ كەرەك، كەيىنگى 5 كۇندە ت ج م وكىلدەرى جولدا قالعان 199 ادامدى قۇتقارىپ، 270 ادامدى جىلىتۋ بەكەتىنە اپارعان.