بۋراباي اۋىلىنىڭ اكىمىنە قاتاڭ سوگىس جاريالاندى
استانا. KAZINFORM - بۋراباي اۋىلىنىڭ اكىمى سابىر جالمۇقانوۆقا ادەپ كودەكسىن بۇزعانى ءۇشىن قاتاڭ سوگىس جاريالاندى. بۇل تۋرالى اقمولا وبلىسىنىڭ پروكۋراتۋراسى حابارلادى.
«بۋراباي اۋىلىنىڭ اكىمى مەن ج ش س اراسىندا الاڭدى اباتتاندىرۋ بويىنشا مەملەكەتتىك ساتىپ الۋ تۋرالى كەلىسىم جاسالعانى انىقتالدى. كەلىسىمشارتتىق مىندەتتەمەلەردى ورىنداۋ بارىسىندا اكىم كاسىپكەردەن سمەتالىق قۇجاتتامادا قاراستىرىلماعان قوسىمشا جۇمىستاردى ورىنداۋدى تالاپ ەتكەن. ءوز كەزەگىندە كاسىپكەر تاپسىرىس بەرۋشىدەن تاۋەلدى جاعدايدا بولعاندىقتان، بۇل جۇمىستاردىڭ ءبىر بولىگىن ورىندادى»، - دەلىنگەن حابارلامادا.
اكىم ءوز ءىس-ارەكەتىمەن كاسىپكەرلىك سۋبەكتىسىنە 400 مىڭ تەڭگە كولەمىندە ماتەريالدىق شىعىن كەلتىردى.
بۋراباي اۋدان اكىمىنىڭ وكىمىمەن بۋراباي اۋىلىنىڭ اكىمىنە «قاتاڭ سوگىس» تۇرىندەگى تارتىپتىك جازا قولدانىلدى.
