بۇقتىرما سۋ قويماسىنىڭ ۇستىنەن سالىنىپ جاتقان كوپىر انتيكور نازارىندا - رەسمي وكىل

көпір
Фото: inbusiness.kz

استانا. KAZINFORM - سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى ارمان تىلەۋكەنوۆ شىعىس قازاقستان وبلىسىنداعى بۇقتىرما سۋ قويماسىنىڭ ۇستىنەن سالىنىپ جاتقان كوپىردىڭ قۇرىلىسىنا جەمقورلىققا قارسى قىزمەت مونيتورينگ جۇرگىزىپ جاتقانىن ايتتى.

«شىعىس قازاقستان وبلىسىندا بۇقتىرما سۋ قويماسىنىڭ ۇستىنەن سالىنىپ جاتقان كوپىردىڭ قۇنى جىل سايىن ميللياردتاپ وسەدى. سىبايلاس جەمقورلىققا قارسى قىزمەت وسىنىڭ سەبەبىنە ءۇڭىلىپ كوردى مە؟ وسى فاكتى بويىنشا تەكسەرۋ جۇرگىزەسىزدەر مە؟» - دەپ سۇرادى جۋرناليست بريفينگىدە.

اگەنتتىكتىڭ رەسمي وكىلى قازىر اتالمىش نىساننىڭ قۇرىلىسىنا بايلانىستى زاڭعا قايشى فاكتى تىركەلمەگەنىن ايتتى.

«بۇقتىرما سۋ قويماسىنان وتەتىن كوپىرگە بايلانىستى ايتساق، بۇل نىسانعا مونيتورينگ جۇرگىزىلەدى. مونيتورينگتە بار. ودان كەيىن قاراجاتىنىڭ جىلدا وسۋىنە بايلانىستى، ءبىز دە ول اقپارات تۋرالى بىلەمىز. ءبىراق تەكسەرۋ جۇرگىزىلدى مە، جوق پا، ونى انىقتاۋ كەرەك. ازىرگە ەشقانداي زاڭ بۇزۋ فاكتىسى انىقتالعان جوق. نەگىزى وسى ۋاقىتقا دەيىن ەشقانداي بۇزۋشىلىق بولماعان»، - دەدى ارمەن تىلەۋكەنوۆ.

ايتا كەتۋ كەرەك، بۇل جوبانىڭ باستاپقى قۇنى 30,2 ميلليارد تەڭگە بولعان. كەيىن قۇرىلىس ماتەريالدارى قۇنى ءوستى دەگەن نەگىزدەمەمەن جوبالاۋ-سمەتالىق قۇجاتتاماسى تۇزەتىلىپ، جوبانىڭ قۇنى 61,4 ميلليارد تەڭگەگە ۇلعايتىلعان.

سوڭعى جاڭالىقتار