21:22, 18 - اقپان 2021 | GMT +5
ايسۇلتان سەيىتوۆتىڭ ۆيدەوكليپى «BooooooomTV» سىيلىعىن يەلەندى
نۇر- سۇلتان. قازاقپارات - قازاقستاندىق رەجيسسەر ايسۇلتان سەيىتوۆتىڭ وتانداسىمىز - رەپەر «قارا زيرە مايىنىڭ» (شىن اتى- ءجونى ايدىن نۇرالين) «تىلسىم الەم» اتتى كومپوزيتسياسىنا تۇسىرگەن ۆيدەوروليگى كانادانىڭ BooooooomTV Awards 2020 تۇعىرناماسىندا «جىلدىڭ ۇزدىك مۋزىكالىق ۆيدەوسى» ساناتىندا ماراپاتقا يە بولدى، دەپ حابارلايدى قازاقپارات ءتىلشىسى.
«ايسۇلتان سەيىتوۆ - ول قازاقستاننان، الماتى قالاسىنان شىققان رەجيسسەر. ەگەر سىزدەر قانداي دا ءبىر ساتتە تۇعىرنامامىزدى نازارىڭىزدا ۇستاساڭىز، وندا سوڭعى 2 جىلدا سايتىمىزدا جارىق كورىپ جۇرگەن سەيىتوۆتىڭ قازاقستاندىق رەپەر قارا زيرە مايىنا ارنالعان ۆيدەولارىن بايقاعان شىعارسىز. ءبىز ءۇشىن بەيتانىس الەمنىڭ وزگە بولىگىنەن مۇنداي كونتەنتتى كورۋ قىزىقتى دا. ونىڭ ۇستىنە بۇل شىعارماشىلىق جۇپتىڭ بىرلەسكەن جۇمىسى شىنىمەن دە ەرەكشە»، - دەلىنگەن كانادالىق تۇعىرنامانىڭ Instagram-پاراقشاسىندا جاريالانعان رەسمي اقپاراتتا.
