بەنزين اقپاننان باستاپ اي سايىن 5 تەڭگەگە قىمباتتاپ وتىراتىنى راس پا - مينيستر جاۋابى

استانا. KAZINFORM - ەنەرگەتيكا ءمينيسترى الماسادام ساتقاليەۆ ب ا ق وكىلدەرمەن وتكەن باسپا ءسوز ءماسليحاتىندا جانارماي نارىعىنداعى ويىنشىلارعا قاتاڭ سيگنال بەرگەنىن ايتتى.

Алмасадам Сәтқалиев
Фото: Солтан Жексенбеков/Kazinform

- بەنزين باعاسى اي سايىن 4 تەڭگەگە قىمباتتاپ وتىرادى دەگەن اقپارات قانشالىقتى راس، - دەپ سۇرادى جۋرناليست.

الماسادام ساتقاليەۆ العاشقى قىمباتتاۋ 4-5 تەڭگەنىڭ دالىزىندە بولاتىنىن ايتادى.

- ازىرگە سونداي ءبىر ناقتى الگوريتم جوق. بۇگىن اشىق ايتتىم دا. العاشقى باعانىڭ كوتەرىلۋى 5 تەڭگەگە دەيىن بولادى دەپ كۇتىپ وتىرمىز. 4 تەڭگە بولۋى دا مۇمكىن. ءارى قاراي باعانىڭ وزگەرۋىنە ءبىز وتە قاتتى دەن قويامىز. ءبىز نارىققا ايتارلىقتاي سيگنال بەردىك. ءبىز وندىرۋشىلەرگە دە، جەتكىزۋشىلەرگە دە مونوپوليادان تابىس تابۋعا جول بەرمەيمىز، - دەدى شەنەۋنىك.

- سوندا اي سايىن 5 تەڭگەگە دەيىن وسەدى دەپ وتىرسىز عوي، - دەپ سۇرادى جۋرناليست.

مينيستر ونى العاشقى قىمباتتاۋدان كەيىنگى احۋال كورسەتىنىن اتاپ ءوتتى.

- باعانىڭ العاشى كوتەرىلۋى 5 تەڭگەگە دەيىن دەپ ايتۋعا بولادى. ءارى قاراي قالاي بولاتىنىن مەن ايتا المايمىن، - دەدى ول.

ەسكە سالساق، ۇكىمەتتىڭ كەڭەيتىلگەن وتىرىسىنان كەيىن اقپان ايىنان باستاپ بەنزين، ديزەل، سۇيىتىلعان گاز باعاسى وسەتىنى ءمالىم بولعان ەدى.

سوڭعى جاڭالىقتار