بەلگىسىز بىرەۋ يزرايلدىڭ بەلگياداعى ەلشىلىگىنە قاراي گراناتا لاقتىردى

Белгісіз біреу Израильдің Бельгиядағы елшілігіне қарай граната лақтырды
فوتو: Edouard Smekens

بريۋسسەل. KAZINFORM - بريۋسسەل پروكۋراتۋراسىنىڭ مالىمەتىنشە، جۇما كۇنى تاڭەرتەڭ ەۋروپا استاناسىنىڭ ۋككەل كوممۋناسىنداعى يزرايل ەلشىلىگىنە بەلگىسىز بىرەۋ سترايكبول گراناتاسىن لاقتىرعان.

وقيعا تۋرالى فرانسۋز تىلىندەگى بەلگيالىق La libre Belgique گازەتى جازدى.

«جۇما كۇنى تاڭەرتەڭ شامامەن ساعات 5:30 دا بەلگىسىز بىرەۋ ۋككەلدەگى يزرايل ەلشىلىگىنە قاراي سترايكبول گراناتاسىن لاقتىرعان»، - دەپ ءتۇسىندىردى پروكۋراتۋرا.

وقيعا ورنىنا پوليتسيا قىزمەتكەرلەرى بارىپ، كەزەكشى پروكۋرورعا حابارلاعان. وقيعا ورنىنا سونداي-اق پوليتسيانىڭ تەحنيكالىق جانە عىلىمي زەرتحاناسى، جارىلعىش زاتتاردى زالالسىزداندىرۋ جانە جويۋ قىزمەتى دە كەلدى. تەرگەۋ مۇددەسى ءۇشىن ايىپتاۋشى تاراپ بۇل ماسەلە بويىنشا بۇدان ءارى تۇسىنىكتەمە بەرمەيدى.

وسى اپتانىڭ باسىندا بەلگيانىڭ كواليتسيالىق ۇكىمەتى پالەستينانى ىقتيمال تانۋ تۋرالى كەلىسىمگە كەلە المادى. دەگەنمەن پرەمەر-مينيستر الەكساندر دە كروو بريۋسسەل گازاداعى اتىستى توقتاتۋعا جانە قاقتىعىستى ەكى مەملەكەت پرينتسيپتەرى نەگىزىندە شەشۋگە بەلسەندى تۇردە ۇمتىلاتىنىن مالىمدەدى.

اۆتور
زارينا تۋعانبايەۆا

سوڭعى جاڭالىقتار