بلينكەن گازا سەكتورىنداعى سوعىستى توقتاتۋ مۇمكىندىگى تۋرالى ايتتى
استانا. KAZINFORM - سارسەنبى كۇنى ا ق ش مەملەكەتتىك حاتشىسى ەنتوني بلينكەن يزرايلدى گازا سەكتورىنداعى حاماس پوزيتسيالارىن الۋ جانە توپ جەتەكشىسى ياحيا سينۆاردىڭ قازا تابۋىنان كەيىن گازاداعى سوعىستى توقتاتۋ مۇمكىندىگىن پايدالانۋعا شاقىردى، دەپ حابارلايدى Kazinform-نىڭ مەنشىكتى ءتىلشىسى.
ە. بلينكەننىڭ ايتۋىنشا، يزرايل ءوزىنىڭ كوپتەگەن ماقساتتارىنا قول جەتكىزدى. سونىڭ ىشىندە حاماستى اسكەري كۇش رەتىندە جويۋ جانە ونىڭ جەتەكشىلەرىنىڭ ءولتىرۋ فاكتىلەرى سونىڭ دالەلى. سوندىقتان گازادان كەپىلگە الىنعانداردى ۇيلەرىنە قايتارۋ جانە سوعىس ارەكەتتەرىن توقتاتۋعا ۇمتىلۋى كەرەك.
«قازىر بۇل جەتىستىكتەردى تۇراقتى ستراتەگيالىق تابىسقا اينالدىرۋدىڭ ناقتى شاعى. ءىس جۇزىندە تەك ەكى نارسە قالدى: كەپىلگە الىنعانداردى ۇيلەرىنە قايتارۋ جانە سوعىستى اياقتاۋ»، - دەدى بلينكەن تىلشىلەرگە.
بلينكەن يزرايلگە جاساعان ساپارىن قورىتىندىلاپ، گازا سەكتورىنا كومەك كورسەتۋ جاعدايلارىندا ىلگەرىلەۋ بارىن جەتكىزدى.
«بۇل جاقسى ناتيجە ءبىراق ودان دا كوپ پروگرەسكە قول جەتكىزۋ كەرەك»، - دەپ تولىقتىردى ا ق ش- تىڭ مەملەكەتتىك حاتشى.
