بەلگىلى گرۋزيالىق ءانشى قازاق تىلىندە ءان شىرقاپ، جەلى قولدانۋشىلارىن تاڭعالدىردى
استانا. قازاقپارات - گرۋزيالىق تانىمال ءانشى، «ا’ستۋديو» توبىنىڭ سوليسى كەتي توپۋريا قازاق تىلىندە ءان ورىنداپ، تىڭدارماندارىنىڭ ەرەكشە ىقىلاسىنا بولەندى، دەپ حابارلايدى turkystan.kz.
ونەر يەسى Instagram پاراقشاسىندا «Jaٌnbyrdan soٌn» («جاڭبىردان سوڭ») دەپ اتالاتىن جاڭا ءانىنىڭ ءۇزىندىسىن جاريالاعان. قىسقا ۆيدەو از ۋاقىت ىشىندە شامامەن 800 مىڭ قارالىم جيناعان.
جەلى قولدانۋشىلارى كەتي توپۋريانىڭ قازاق تىلىندە ءان ايتۋىنا ەرەكشە نازار اۋدارىپ، ونىڭ اكتسەنتىن دە جىلى قابىلداعان. كوپشىلىك جاڭا كومپوزيتسياعا قاتىستى ءتۇرلى پىكىر قالدىرىپ، ءان ءماتىنىنىڭ اۆتورى كىم ەكەنىن دە بولجاعان.
«قازاقتار مەن گرۋزيندەر - باۋىرلاس حالىقتار»، «ۋاۋ، قانداي كەرەمەت ءان»، «قازاق ءتىلىن گرۋزين اكسەنتىمەن ەستۋ ەرەكشە ەكەن»، «تۇسىنىكسىزدەۋ بولعانىمەن، وتە ادەمى ەستىلەدى» دەگەن پىكىرلەر جازىلعان.
تىڭدارمانداردىڭ كەيبىرى ءان ءماتىنىن «ا’ستۋديو» توبىنىڭ نەگىزىن قالاۋشىلاردىڭ ءبىرى بايعالي سەركەبايەۆ جازۋى مۇمكىن دەگەن بولجام ايتقان.
ازىرگە «Jaٌnbyrdan soٌn» ءانىنىڭ تولىق نۇسقاسى قاشان جارىق كورەتىنى بەلگىسىز.
