بەلگىلى جۋرناليست عادىلبەك شالاحمەتوۆ ومىردەن ءوتتى
استانا. KAZINFORM - بەلگىلى جۋرناليست عادىلبەك شالاحمەتوۆ 81 جاسقا قاراعان شاعىندا ومىردەن ءوتتى.
اقپاراتتى قازاقستان جۋرناليستيكا اكادەمياسى راستادى.
عادىلبەك ءمىناج ۇلى شالاحمەتوۆ - كەڭەستىك، قازاقستاندىق پۋبليتسيست، 300 دەن استام عىلىمي جانە پۋبليتسيستيكالىق ماقالالاردىڭ اۆتورى، سەناريست. قازاقستان ۇلتتىق جاراتىلىستانۋ عىلىمدارى اكادەمياسىنىڭ اكادەميگى.
ەڭبەك جولىن قازاقستان عىلىم اكادەمياسىنىڭ مەتاللۋرگيا جانە بايىتۋ ينستيتۋتىندا جۇمىسشى، اپپاراتشى بولىپ باستادى. ينستيتۋتتى ءتامامداعاننان كەيىن و ك م ك-ندا بالقىتۋشى بولىپ ىستەدى.
1967-1974 -جىلدارى قازاق تەلەديدارى باعدارلامالارىنىڭ رەداكتورى، باس رەداكتورى بولدى.
1975 -جىلى ك س ر و مەملەكەتتىك كينوسىنا قاراستى سەناريي جازۋشىلار مەن رەجيسسەرلەرگە ارنالعان جوعارى كۋرسىن ءبىتىردى.
1976-1982 -جىلدارى ق ك س ر مەملەكەتتىك تەلە-راديو ءبولىمىنىڭ مەڭگەرۋشىسى، قازاق تەلەديدارىنىڭ ناسيحاتتاۋشى باس رەداكتورى، كوممەنتاتورى، ءبولىم مەڭگەرۋشىسى بولدى.
1982-1983 -جىلدارى ق ك س ر مەملەكەتتىك كينوسىنىڭ باس رەداكتورى، 1983-1986 -جىلدارى ق ك س ر مەملەكەتتىك تەلە-راديو كوميتەتى ءتوراعاسىنىڭ ورىنباسارى قىزمەتىن اتقاردى.
1986-1990 -جىلدارى - ق ك س ر تەلەديدار جانە راديوتارالىم جونىندەگى مەملەكەتتىك كوميتەتىنىڭ ءتوراعاسى.
1991-1992 -جىلدارى قازاق ك س ر باسپا ءسوز جانە بۇقارالىق اقپارات قۇرالدارى ءمينيسترىنىڭ ءبىرىنشى ورىنباسارى - قازاق مەملەكەتتىك تەلەراديوحابار تاراتۋ كومپانياسىنىڭ ءتوراعاسى بولدى.
1992 -جىلى - ق ر پرەزيدەنتى باسپا ءسوز قىزمەتىنىڭ جەتەكشىسى.
مەملەكەتارالىق «مير» تەلەراديوكومپانياسىنىڭ نەگىزىن قالاۋشى. 1993 -جىلدىڭ قاڭتارىنان 2002 -جىلدىڭ مامىرىنا دەيىن «مير» مەملەكەتارالىق تەلەراديوكومپانياسىنىڭ پرەزيدەنتى بولدى.
1996 -جىلدان باستاپ الەم حالىقتارىنىڭ بۇكىلالەمدىك كلۋبىنىڭ اكادەميگى.
2000 -جىلى – ق ر پرەمەر-ءمينيسترىنىڭ شتاتتان تىس كەڭەسشىسى.
2000-2004 -جىلدارى - «قازاقپارات» اقپاراتتىق اگەنتتىگىنىڭ پرەزيدەنتى.
2004-2007 -جىلدارى – ق ر پارلامەنت ءماجىلىسىنىڭ دەپۋتاتى.
2007-2009 -جىلدارى «سامۇرىق» ا ق پرەزيدەنتىنىڭ كەڭەسشىسى.
قازاقستان ۇلتتىق جاراتىلىس تانۋ عىلىمدارى اكادەمياسىنىڭ (قاز ۇ ج ع ا) اكادەميگى
2009 -جىلدان باستاپ ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندەگى جۋرناليستيكا جانە ساياساتتانۋ فاكۋلتەتىنىڭ تەلە-راديو جانە قوعاممەن بايلانىس كافەدراسىنىڭ مەڭگەرۋشىسى بولدى.
اۆتور
ەركەجان سماعۇلوۆا
