بەلگىلى بلوگەر كوپبالالى وتباسىعا 250 ميلليون تەڭگەنىڭ ءۇيىن سىيلادى
بەلگىلى قازاقستاندىق بلوگەر ايدا سەرىكوۆا الماتىنىڭ تورىنەن كوپبالالى وتباسىعا 250 ميلليون تەڭگەنىڭ كوتتەدجىن سىيلادى، دەپ حابارلايدى Skifnews.kz اقپارات پورتالى.
«ءبىر اللانىڭ قالاۋىمەن الماتىداعى 250.000.000 دىق كوتتەدج - 6 بالانىڭ اناسى ارداق تاتەگە بۇيىرىپتى. اللاعا سانسىز شۇكىر!
وسىلايشا بۇگىن ءۇيدى تابىستادىق. جاقىندارى، تۋىستارى سەنەر-سەنبەس بولىپ جاتىر. شىنىمەندە بۇگىن بۇل كىسىلەر ءۇشىن - بۇگىنگى كۇن ءتۇس سەكىلدى. ينشااللا ەندى وسى ۇيدە ءونىپ ءوسۋىن ءناسىپ ەتسىن!
ادەمى تىلەگىمەن ەرەكشەلەنگەن جاندارعا شاشۋىم بولادى. شىنايى قۋانا بىلگەن وقىرماندارىما مەنەن شاشۋ بولسىن. ال، ناعىز تىلەك وسىنداي بولۋ كەرەك دەپ جۇرەكتەن شىققان سوزدەرىڭىزدى جازىپ كەتىڭىز»، - دەپ جازدى بلوگەر.
سونداي-اق، ول كوپبالالى انا مەن ونىڭ جولداسىنا وزگەرىس جاساپ، تۋىستارىن ءتانتى ەتتى.
«كوزدەرىندەگى، جۇزدەرىندەگى قۋانىشتى كورىپ، تەك شۇكىر ەتە بەردىم. اللاعا سانسىز شۇكىر»، - دەدى ول.
