بەلگيالىقتار كورولى قازاقستاندا: التىن وردا داۋىرىنەن تامىر تارتاتىن تاريحپەن تانىسۋعا اسىقپىن

- استانا مەن الماتىنىڭ كورىكتى جەرلەرى مەن مۋزەيلەرىن ارالاپ، التىن وردا داۋىرىنەن تامىر تارتاتىن تاريحپەن ءتىل قاتىسۋعا اسىقپىن. بەلگيا دەلەگاتسياسىمەن بىرگە اباي شىعارمالارىندا ايرىقشا سۋرەتتەلگەن، قازاقتىڭ ۇلتتىق ەرەكشەلىكتەرىن پاش ەتەتىن تابيعي جانە مادەني قازىنامەن تانىسۋعا قۇشتارمىز. قازاق ەلى قوناقجايلىعىمەن ءماشھۇر. ەلدەرىڭىز قوعامنىڭ ىنتىماق-بىرلىگىن ءوز ىشىندە عانا ەمەس، ايماقتىق جانە حالىقارالىق دەڭگەيدە نىعايتۋعا بەلسەندى تۇردە ۇلەس قوسىپ كەلەدى. وسى باعىتتا قازاقستان ءاردايىم ماڭىزدى ءرول اتقارادى، - دەدى ول.

بەلگيالىقتار كورولى ءسوز سوڭىندا كورسەتىلگەن سىي-قۇرمەت ءۇشىن قاسىم-جومارت توقايەۆقا تاعى دا العىس ايتتى.

- «شاڭىراعىڭىز بيىك بولسىن!». مەن بۇل ءسوزدى دۇرىس ايتتىم دەپ ويلايمىن. قازاقستانعا مەملەكەتتىك ساپارىمىزدىڭ ءمانىن اتالعان تىلەك تولىعىمەن اشادى. وتباسى بىرلىگى مەن ۇرپاقتار ساباقتاستىعىن، ىرىس پەن نەسىبەنى، بەيبىت ءومىر مەن جىلى ۇيانى وسى ءبىراۋىز سوزگە سىيدىرۋعا بولادى، - دەدى كورول فيليپپ.

ەسكە سالا كەتسەك، بۇگىن قاسىم-جومارت توقايەۆ بەلگيالىقتار كورولى فيليپپ پەن ماتيلدا پاتشايىمدى اقوردادا قارسى الدى.

بۇعان دەيىن مەملەكەت باسشىسى قاسىم-جومارت توقايەۆ قازاقستان مەن بەلگيا اراسىندا شەشىلمەگەن ماسەلە جوق ەكەنىن ايتقان ەدى.

سونداي-اق ەكى ەلدىڭ مۋزەيلەرى بايلانىستى نىعايتىپ، ۆيزالىق تالاپتار جەڭىلدەيدى.